Uddhav Thackeray News | वारं उलटं वाहणार? शिंदेंचे आमदार ठाकरेंकडे स्वगृही परतणार?

उद्धव ठाकरे मुख्यमंत्री एकनाथ शिंदे यांना मोठा धक्का देणार असल्याची मोठी बातमी समोर येत आहे. एकनाथ शिंदेंच्या शिवसेनेतले 5 ते 6 आमदार उद्धव ठाकरे यांच्या शिवसेनेत प्रवेश करणार असल्याची चर्चा राजकीय वर्तूळात रंगलीये. शिवसेनेत बंडखोरी मुख्यमंत्री एकनाथ शिंदे यांच्याबरोबर 40 आमदारांनी उद्धव ठाकरे यांची साथ सोडली. यानंतर उद्धव ठाकरे यांच्या शिवसेनेला गळती लागली. आमदार खासदार यांनी उद्धव ठाकरेंची साथ सोडली. पण, आता लोकसभा निवडणुकीत उद्धव ठाकरेंना मिळालेलं यश पाहून पुन्हा एकदा 5 ते 6 आमदार स्वगृही परतणार असल्याची जोरदार चर्चा सुरु आहे.