Vinesh Phogat: विनेश फोगाटला सिल्व्हर मेडल मिळणार? समोर आली मोठी अपडेट

Vinesh Phogat Disqualification: पॅरिस ऑलिम्पिक २०२४ (Paris Olympics 2024) स्पर्धेत भारतीय खेळाडूंनी दमदार खेळ केला. या स्पर्धेत भारतीय खेळाडूंनी एकूण ६ पदकांची कमाई केली. ज्यात ५ कांस्य आणि १ रौप्यपदकाचा समावेश आहे. या पदकांची संख्या आणखी वाढू शकते. कारण विनेश फोगाटच्या अपात्रतेबाबत अजूनही निर्णय घेण्यात आलेला नाही.

विनेशला (Vinesh Phogat) रौप्यपदक मिळणार की नाही, यावर १६ ऑगस्ट रोजी सुनावणी होणार होती. मात्र ही सुनावणी तिसऱ्यांदा पुढे ढकलण्यात आली आहे. मात्र याबाबत मोठी अपडेट समोर येत आहे, ज्यावरुन विनेश फोगाटला रौप्यपदक मिळू शकतं अशी शक्यता वर्तविली जात आहे.

विनेश फोगाटबाबत CAS काय निर्णय देणार? याची कोट्यवधी भारतीय वाट पाहत आहेत. मात्र हा निर्णय तिसऱ्यांदा लांबवण्यात आला आहे. दरम्यान कुस्ती महासंघाचे उपाध्यक्ष जय प्रकाश चौधरी यांना असं वाटतंय की, निर्णय घेण्यात उशीर होतोय, म्हणजे निर्णय नक्कीच विनेश फोगाटच्या बाजूने लागणार.

भारतीय कुस्ती महासंघाचे उपाध्यक्ष जय प्रकाश चौधरी (Jai Prakash Chaudhary) यांनी एएनआयला दिलेल्या मुलाखतीत म्हटले की, 'असं व्हायला नको होतं. मात्र मला वाटतंय की, हा निर्णय विनेशच्या बाजूने लागणार. असं वाटतंय, यात अनेक शक्तिशाली लोकांचा समावेश आहे त्यामुळे तिला पदक मिळणार. मला इतकंच म्हणायचंय,ही स्टाफची चुकी आहे. कारण वजन कमी कसं करायचं हे त्यांचं काम करायचं होतं. आता १६ ऑगस्टला काय होतंय हे पाहूया. मोठे वकील , पंतप्रधान मोदी यांनी देखील ठरवलंय, त्यामुळे मला तरी वाटतंय की निर्णय आपल्याच बाजूने लागणार.'

विनेश फोगाटच्या अपात्रतेबाबतचा निर्णय, १३ ऑगस्ट रोजी येणार होता. मात्र हा निर्णय आता पुढे ढकलण्यात आला आहे. विनेशला रौप्यपदक मिळणार की नाही? याचा निर्णय १६ ऑगस्ट रोजी भारतीय वेळेनुसार, संध्याकाळी ९:३० वाजता दिला जाईल.

काय आहे प्रकरण?

विनेश फोगाटने पॅरिस ऑलिम्पिक २०२४ स्पर्धेतील ५० किलोग्रॅम वजनी गटातील फ्री स्टाईल कुस्ती प्रकारातील फायनलमध्ये प्रवेश केला होता. यादरम्यान तिने वर्ल्ड नंबर १ खेळाडूला आस्मान दाखवत फायनलमध्ये प्रवेश केला होता.

मात्र फायनलच्या दिवशी वजन केलं असता तिचं वजन १०० ग्रॅम अधिक असल्याचं दिसून आलं होतं. सेमीफायनलनंतर तिचं वजन अचानक वाढलं होतं. मात्र तिने रात्रभर मेहनत घेऊन वजन कमी केलं होतं. शेवटी वजन केलं असता तिचं वजन १०० ग्रॅम अधिक असल्याचं दिसून आलं होतं.