सध्या दक्षिण आफ्रिकेत दक्षिण आफ्रिका टी -२० लीग स्पर्धेचा थरार सुरू आहे. या स्पर्धेत जोबर्ग सुपर किंग्ज संघातील खेळाडू रोमारीयो शेफर्डने एक भन्नाट झेल टिपला आहे, जो पाहून तुम्हाला विश्वासच बसणार नाही. त्याने एका हाताने टिपलेल्या या झेलचा व्हिडिओ सध्या सोशल मीडियावर तुफान व्हायरल होत आहे.
या व्हायरल होत असलेल्या व्हिडिओमध्ये तुम्ही पाहू शकता की, रोमारीयो शेफर्ड लेग साईडच्या दिशेने क्षेत्ररक्षण करतोय. चेंडू आपल्याकडे येतोय हे पाहून तो डाइव्ह मारतो अणि एका हाताने भन्नाट झेल टिपतो. हवेत झेल टिपल्यानंतर तो जमिनीवर आपटतो. हा झेल पाहून समालोचकांनाही विश्वास बसत नाही. झेल टिपताच समालोचकांच्या तोंडून एकच आवाज येतो तो म्हणजे अविश्वसनीय. (Cricket News In Marathi)
हा झेल टिपत त्याने डर्बन सुपर जायंट्स संघातील मॅथ्यू ब्रीट्ज़केला बाद करत माघारी धाडलं. ब्रीट्ज़केने गॅपमध्ये फटका खेळण्याचा प्रयत्न केला, मात्र त्याचा हा प्रयत्न फसला. कारण शेफर्डने अचूक टायमिंग आणि योग्य वेळी डाइव्ह मारली. त्याचा हा झेल पाहून गोलंदाजी करत असलेल्या नांद्रे बर्गरलाही विश्वास बसत नव्हता.
तसेच या सामन्याबद्दल बोलायचं झालं तर , डर्बन सुपर जायंट्सने या सामन्यात नाणेफेक जिंकून प्रथम फलंदाजी करण्याचा निर्णय घेतला. प्रथम फलंदाजी करताना डर्बनने ८ गडी बाद १४५ धावा केल्या. यादरम्यान हेनरिक कलासेनने सर्वाधिक ६४ धावांची खेळी केली. या खेळीदरम्यान त्याने ७ चौकार आणि २ षटकार मारले.
या धावांचा पाठलाग करण्यासाठी आलेल्या जोबर्ग सुपर किंग्ज संघाला २० षटक अखेर ९ गडी बाद १०८ धावा करता आल्या. या संघाकडून फलंदाजी करताना रिझा हेंड्रिक्सने सर्वाधिक ३८ धावांची खेळी केली. तर मोईन अलीने ३६ धावा केल्या. मात्र सुपर किंग्जचा संघ विजय मिळावी शकला नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.