PAK vs ENG: फलंदाजी करण्यापूर्वीच पाकिस्तानचं WC मधील आव्हान संपुष्टात; इंग्लंडने दिलं मोठं लक्ष्य

Pakistan vs England:

वनडे वर्ल्डकप २०२३ स्पर्धेतील ४४ वा सामना पाकिस्तान आणि इंग्लंड या दोन्ही संघांमध्ये सुरु आहे. हा सामना कोलकाताच्या ईडन गार्डनच्या मैदानावर सुरु आहे. या सामन्यात इंग्लंडने नाणेफेक जिंकून प्रथम फलंदाजी करण्याचा निर्णय घेतला आहे. दरम्यान प्रथम फलंदाजी करताना इंग्लंडने ९ गडी बाद ३३७ धावांचा डोंगर उभारला आहे. यासह पाकिस्तानचा संघ वर्ल्डकप सेमीफायनलच्या शर्यतीतून बाहेर पडला आहे.

इंग्लंडने उभारला ३३७ धावांचा डोंगर..

इंग्लंडचे फसंदाज पाकिस्तानच्या गोलंदाजांवर तुटून पडले.पाकिस्तानकडून बेन स्टोक्सने सर्वाधिक ८४ धावांची खेळी केली. या खेळीदरम्यान त्याने ११ चौकार आणि २ षटकार मारले. तर जो रुट ६० धावा करत माघारी परतला. त्याने या खेळीगरदरम्यान ४ चौकार मारले. तर जॉनी बेअरस्टोने ५९ धावांचे योगदान दिले. इंग्लंडने ५० षटक अखेर ३३७ धावा केल्या आहेत.

पाकिस्तानचा संघ बाहेर..

पाकिस्तानला सेमीफायनलमध्ये जाण्यासाठी प्रथम फलंदाजी करायची होती. तर प्रथम फलंदाजी करुन पाकिस्तानला मोठं आव्हान उभारायचं होतं. धावांचा बचाव करत इंग्लंडवर २८७ धावांनी विजय मिळवायचा होता. मात्र असं काही झालेलं नाही. पाकिस्तानसमोर इंग्लंडने ३३८ धावांचं आव्हान ठेवलं आहे.