WPL 2023: वुमेन्स प्रीमियर लीग स्पर्धेतील १८ सामना आज, २० मार्च रोजी मुंबई इंडियन्स आणि दिल्ली कॅपिटल्सच्या दरम्यान नवी मुंबईच्या डी.वाय. पाटील स्टेडियमवर खेळण्यात आला. या सामन्यात दिल्ली कॅपिटल्सने मुंबई इंडियन्सचा दारूण पराभव केला आहे. मुंबईने दिलेले ११० धावांचे आव्हान सहज पूर्ण करत दिल्लीने सामना खिशात टाकला. (Latest Marathi News)
वुमेन प्रीमियर लीगच्या सोमवारी झालेल्या स्पर्धेत दिल्लीने मुंबईचा ९ गडी राखून पराभव केला. नवी मुंबईच्या डी.वाय. पाटील स्टेडियमवर झालेल्या सामन्यात दिल्लीने नाणेफेक जिंकून गोलंदाजी निवडली. प्रथम फलंदाजीसाठी उतरलेल्या मुंबईच्या संघाने २० षटकात केवळ १०९ धावाच चोपल्या.
मुंबईने (Mumbai) दिलेले लक्ष्य दिल्लीने (Delhi) अवघ्या ९ षटकात १ गडी गमावून गमावत सहज पूर्ण केले. मुंबईच्या लक्ष्याचा पाठलाग करण्यासाठी उतरलेल्या दिल्लीच्या फलंदाजांनी सहज सामना खिशात टाकला. दिल्लीकडून शेफाली वर्माने ३३ धावा कुटल्या. तर मेग ३२ आणि अॅलिप्स ३८ धावांवर नाबाद राहिले. मुंबईकडून हॅलीने दिल्लीचा एक गडी बाद केला.
पॉवरप्लेमध्ये दिल्लीची दमदार कामगिरी
मुंबईने दिलेल्या ११० धावांच्या आव्हानांचा पाठलाग करताना दिल्लीच्या शेफाली आणि मेग लॅनिंगने जबरदस्त सुरुवात केली. या दोघींनी अवघ्या ४ षटकात ५० धावा कुटल्या. तर पाचव्या षटकात ३३ धावा करत शेफाली तंबूत परतली. शेफाली बाद झाली, त्यावेळी संघाची धावसंख्या एक गडी गमावून ६७ इतकी झाली होती.
दरम्यान, मुंबईकडून पूजा वस्त्राकरने २६ धावा कुटल्या. तर इसाबेल आणि हरमनप्रीतने २३-२३ धावा चोपल्या. तर अमनजोत कौरने १९ धावा करून धावबाद झाली. दिल्लीकडून मारियन कॅप, जेस जोनासेन आणि शिखा पांडे यांनी 2-2 बळी घेतले. तर अरुंधती रेड्डीनेही एक गडी तंबूत परतवला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.