लखनऊ सुपर जायंट्स विरुद्ध मुंबई इंडियन्स यांच्यात झालेल्या सामन्यात मुंबई इंडियन्सला ४ गडी राखून पराभव पत्करावा लागला आहे. १४४ धावांचा पाठलाग करत असलेल्या लखनऊ सुपर जायंट्स संघाकडून मार्कस स्टोइनिसने शानदार खेळी करत संघाच्या विजयात मोलाचं योगदान दिलं. त्याने ४५ चेंडूत ७ चौकार आणि २ षटकारांच्या साहाय्याने ६२ धावांची खेळी केली. या सामन्यातील विजयानंतर लखनऊ सुपर जायंट्स संघाचा मोठा फायदा झाला आहे. मात्र मुंबई इंडियन्स संघाचं टेन्शन वाढलं आहे.
मुंबई इंडियन्स संघाविरुद्ध शानदार विजय मिळवल्यानंतर लखनऊ सुपर जायंट्सचा संघ गुणतालिकेत तिसऱ्या स्थानी आहे. या संघाचे १२ गुण असून नेट रनरेट +०.०९४ इतका आहे. तर केवळ ३ सामने जिंकू शकलेला मुंबई इंडियन्सचा संघ गुणतालिकेत नवव्या स्थानी आहे. संघाचे ६ गुण असून नेट रनरेट ०.२७२ इतका आहे.
टॉप ४ मध्ये कोणते संघ?
गुणतालिकेतील टॉप ४ संघांबद्दल बोलायचं झालं, तर राजस्थान रॉयल्सचा संघ अव्वल स्थानी कायम आहे. राजस्थान रॉयल्स संघाने आतापर्यंत १६ गुणांची कमाई केली आहे. त्यानंतर प्रत्येकी १२-१२ गुण असलेला कोलकाता नाईट रायडर्स आणि लखनऊ सुपर जायंट्सचा संघ अनुक्रमे दुसऱ्या आणि तिसऱ्या स्थानी आहे. तर १० गुण असलेला चेन्नई सुपर किंग्जचा संघ गुणतालिकेत चौथ्या स्थानी आहे.
हे ४ संघ सोडले तर पाचव्या स्थानी सनरायझर्स हैदराबाद आणि सहाव्या स्थानी दिल्ली कॅपिटल्सचा संघ आहे. या दोन्ही संघांनी आतापर्यंत प्रत्येकी १०-१० गुणांची कमाई केली आहे. तर शुभमन गिलच्या नेतृत्वाखाली खेळणारा गुजरात टायटन्सचा संघ ८ गुणांसह सातव्या स्थानी आहे. शेवटी पंजाब किंग्ज, मुंबई इंडियन्स आणि रॉयल चॅलेंजर्स बंगळुरूचा संघ अनुक्रमे आठव्या ,नवव्या आणि दहाव्या स्थानी आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.