Team India Head Coach: भारताच्या पराभवानंतर टीम इंडियाचा हेड कोच बदलला; हा दिग्गज घेणार गंभीरची जागा

Team India Head Coach: न्यूझीलंडचा संघ सध्या भारत दौरावर आहे. दोन्ही संघांमध्ये ३ कसोटी सामन्यांची मालिका सुरू आहे. मालिकेतील सुरुवातीच्या दोन्ही सामन्यांमध्ये न्युझीलंडने बाजी मारत मालिका २-० ने खिशात घातली आहे. मालिकेतील तिसरा सामना मुंबईतील मुंबईतील वानखेडे स्टेडियम रंगणार आहे. ही मालिका झाल्यानंतर भारतीय संघ दक्षिण आफ्रिका दौऱ्यावर जाणार आहे. या दौऱ्यासाठी गौतम गंभीर हेड कोच म्हणून जाणार नसल्याची माहिती समोर येत आहे.

न्यूझीलंड विरुद्धची कसोटी मालिका झाल्यानंतर भारत आणि दक्षिण आफ्रिका या दोन्ही संघांमध्ये ४ टी -२० सामन्यांची मालिका रंगणार आहे. या दौऱ्यावर गौतम गंभीर नव्हे तर, भारताचा माजी खेळाडू व्हीव्हीएस लक्ष्मण हेड कोच म्हणून जाणार आहे.

काय आहे कारण?

क्रिकबजने दिलेल्या वृत्तानुसार, व्हीव्हीएस लक्ष्मण भारतीय संघाचा हेड कोच म्हणून दक्षिण आफ्रिका दौऱ्यावर जाऊ शकतो. यामागचं प्रमुख कारण म्हणजे, याच कालावधीत भारतीय संघ बॉर्डर गावसकर ट्रॉफीसाठी ऑस्ट्रेलिया दौऱ्यासाठी रवाना होणार आहे. बीसीसीआयने याबाबत अधिकृत घोषणा केलेली नाही, मात्र बीसीसीआयच्या अधिकाऱ्यांनी याबाबत माहिती दिली आहे.

बॉर्डर गावसकर ट्रॉफी २२ नोव्हेंबरपासून सुरू होणार हे आधीपासूनच ठरलेलं होतं. तर भारत - दक्षिण आफ्रिका टी -२० मालिका अचानक आयोजित करण्यात आली आहे. या मालिकेला ८ नोव्हेंबरपासून सुरुवात होणार आहे. तर मालिकेतील शेवटचा सामना १५ नोव्हेंबर रोजी खेळला जाईल. तर दुसरीकडे भारतीय संघ ४ नोव्हेंबरला ऑस्ट्रेलिया दौऱ्यासाठी रवाना होणार आहे.

दक्षिण आफ्रिका दौऱ्यासाठी असा आहे भारतीय संघ:

सूर्यकुमार यादव (कर्णधार), अभिषेक शर्मा, संजू सॅमसन (यष्टीरक्षक), रिंकू सिंग, तिलक वर्मा, जितेश शर्मा (यष्टीरक्षक), हार्दिक पंड्या, अक्षर पटेल, रमनदीप सिंग, वरुण चक्रवर्ती, रवी बिश्नोई, अर्शदीप सिंग, विजयकुमार विशक, आवेश खान ,यश दयाल.