IND vs ENG : इंग्लंड दौऱ्यासाठी टीम इंडियाची घोषणा; वैभव सूर्यवंशीला मिळालं स्थान

भारतीय क्रिकेट संघ जून महिन्यात इंग्लंड दौऱ्यावर जाणार आहे. दुसरीकडे त्याच महिन्यात भारताचा अंडर-१९ संघ देखील इंग्लंड दौऱ्यावर जाणार आहे. यासाठी बीसीसीआयने भारताच्या अंडर-१९ संघाची घोषणा केली आहे. या संघाचं नेतृत्व आयुष म्हात्रे करणार आहे. तर या संघात १४ वर्षीय वैभव सूर्यवंशीला देखील स्थान मिळालं आहे. वैभव सूर्यवंशी राजस्थान रॉयल्ससाठी खेळला होता. वैभवने अवघ्या ३५ चेंडूत शतक ठोकलं होतं. वैभवने शतक ठोकून आयपीएलमध्ये इतिहास ठोकला.

बीसीसीआयने गुरुवारी भारताच्या अंडर-१९ संघाची अधिकृत घोषणा केली. इंग्लंडचा दौरा हा २४ जून २३ जुलैपर्यंत असणार आहे. या दौऱ्यात एक ५० षटकांची प्रॅक्टिस मॅच देखील असणार आहे. इंग्लंडविरोधात पाच सामन्यांची एक मालिका असणार आहे. तसेच इंग्लंडच्या विरोधात दोन मल्टी डे सामन्यांचाही समावेश आहे.

वेळापत्रक

मंगळवार, २४ जून - ५० षटकांची प्रॅक्टिस मॅच

शुक्रवार, २७ जून - पहिली वनडे

सोमवार- ३० जून - दुसरी वनडे

बुधवार, २ जुलै - तिसरी वनडे

शनिवार, ५ जुलै - चौथी वनडे

सोमवार, ७ जुलै - पाचवी वनडे

१२ ते १५ जुलै - पहिला मल्टी-डे सामना

२० ते २३ जुलै - दुसरा मल्टी-डे सामना

इंग्लंड दौऱ्यासाठी भारताचा अंडर १९ संघ -

आयुष म्हात्रे (कर्णधार), वैभव सूर्यवंशी, विहान मल्होत्रा, मौल्यराजसिंह चौधा, राहुल कुमार, अभिग्यन कुंडू (उपकर्णधार आणि यष्टिरक्षक), हरवंश सिंह (यष्टिरक्षक), आर. एस. अंब्रीश, कनिष्क चौहान, खिलन पटेल, हेनिल पटेल, युधाजीत गुहा, प्रणव राघवेंद्र, मोहम्मद इनान, आदित्य राणा, अनमोलजीत सिंह

राखीव खेळाडू :

नमन पुष्पक, डी. दीपेश, वेदांत त्रिवेदी, विकास तिवारी, अलंकृत रापोले (यष्टिरक्षक)