बार्बाडोस येथे झालेल्या टी२० विश्वचषकाच्या अंतिम सामन्यात भारताने रोमहर्षक विजय मिळवलाय. भारताने दक्षिण आफ्रिकेचा ७ धावांनी पराभव केला. भारतीय संघाच्या विजयानंतर पंतप्रधान मोदींनी टीम इंडियाचं कौतुक करत त्यांचं अभिनंदन केलंय.
भारतीय संघ अडचणीत असताना पुन्हा एकदा जसप्रीत बुमराह मदतीला धावून आला आहे.
हेनरिक क्लासेन दक्षिण आफ्रिकेला कमबॅक करुन दिलं होतं. मात्र हार्दिक पंड्याने त्याला बाद करत माघारी धाडलं आहे.
भारतीय संघाला विकेटची गरज होती आणि अर्शदीप सिंगने क्विंटन डीकॉकला बाद करत माघारी धाडलं आहे.
दक्षिण आफ्रिकेला हा सामना जिंकण्यासाठी ६० चेंडूत ९६ धावा करायच्या आहेत.
दक्षिण आफ्रिकेने आतापर्यंत ९ षटकात ७१ धावा केल्या आहेत. अक्षर पटेलने स्टब्सला बाद करत दक्षिण आफ्रिकेला तिसरा मोठा धक्का दिला आहे.
अर्शदीप सिंगने दक्षिण आफ्रिकेला दुसरा मोठा धक्का दिला आहे. कर्णधार मार्करम अवघ्या ४ धावांवर माघारी परतला आहे.
जसप्रीत बुमराहने हेंड्रिक्सला क्लीन बोल्ड करत माघारी धाडलं आहे. दक्षिण आफ्रिकेला पहिला धक्का बसला आहे.
या सामन्यात भारतीय संघाने १७६ धावा केल्या आहेत.दक्षिण आफ्रिकेला हा सामना जिंकण्यासाठी १७७ धावांची गरज आहे.
या सामन्यात भारतीय संघाने नाणेफेक जिंकत प्रथम फलंदाजी करण्याचा निर्णय घेतला. भारतीय संघाकडून प्रथम फलंदाजी करताना रोहित शर्मा ९ तर रिषभ पंत शून्यावर माघारी परतला. त्यानंतर सूर्या ३ धावा करत माघारी परतला. त्यानंतर विराट कोहली आणि अक्षर पटेलने भारतीय संघाचा डाव सांभाळला. अक्षर पटेलने ४७ आणि विराट कोहलीने ७६ धावांची खेळी केली. शेवटी शिवम दुबेने२७ आणि हार्दिक पंड्याने ५ धावा केल्या.
विराट कोहलीने या सामन्यात शानदार खेळी करत भारतीय संघाला मजबूत स्थितीत पोहोचवलं आहे. मात्र तो ७६ धावा करत माघारी परतला आहे.
विराट कोहलीने ४८ चेंडूंचा सामना करत आपलं अर्धशतक झळकावलं आहे.
भारतीय संघाकडून अक्षर पटेल आणि विराट कोहलीने संघाचा डाव सांभाळला आहे. १४ व्या षटाकात भारतीय संघाने १०० धावा पूर्ण केल्या आहेत.
भारतीय संघाला सुरुवातीला ३ मोठे धक्के बसले आहेत. मात्र अक्षर पटेल आणि विराट कोहलीने मिळून डाव सांभाळला आहे. भारतीय संघाने १० षटकअखेर ७५ धावा केल्या आहेत.
भारतीय संघाने ५ षटकअखेर ४० धावा केल्या आहेत. विराट कोहली आणि अक्षर पटेल मैदानावर आहेत.
भारतीय संघाला पहिल्याच षटकात चांगली सुरुवात मिळाली होती. मात्र दुसऱ्याच षटकात रोहित शर्मा आणि रिषभ पंतला केशव महाराजला बाद करत माघारी धाडलं आहे.
केशव महाराजच्या षटकात रोहितने शॉट खेळण्याचा प्रयत्न केला. मात्र तो ९ धावांवर माघारी परतला आहे.
संपूर्ण स्पर्धेत विराट कोहलीची बॅट शांत होती. मात्र त्याने पहिल्याच षटकात मार्को यान्सेनला ३ चौकार खेचले आहेत. यासह १५ धावा जमा केल्या.
रोहित शर्माने नाणेफेक जिंकून प्रथम फलंदाजी करण्याचा निर्णय घेतलाय. या सामन्यासाठी दोन्ही संघांच्या प्लेइंग ११ मध्ये बदल करण्यात आलेला नाही.
अशी आहे दोन्ही संघांची प्लेइंग ११
भारत- रोहित शर्मा (कर्णधार), विराट कोहली, रिषभ पंत (यष्टीरक्षक), सूर्यकुमार यादव, हार्दिक पांड्या, रवींद्र जडेजा, शिवम दुबे, कुलदीप यादव, जसप्रीत बुमराह, अक्षर पटेल, अर्शदीप सिंग.
दक्षिण आफ्रिका- क्विंटन डी कॉक (यष्टीरक्षक), रीझा हेंड्रिक्स, एडन मार्करम (कर्णधार), ट्रिस्टन स्टब्स, हेनरिक क्लासेन, डेव्हिड मिलर,कागिसो रबाडा, ॲनरिक नॉर्टजे, तबरेझ शम्सी, मार्को जॅन्सन, केशव महाराज.
T20 विश्वचषकाच्या अंतिम सामना थोड्याच वेळात सुरू होणार. अर्ध्या तासात नाणेफेक केली जाणार आहे.
टी २० विश्वचषकात भारत आणि दक्षिण आफ्रिका फक्त सहा सामन्यांमध्ये आमनेसामने आलेत. दोन्ही संघ सातव्यांदा एकमेकांसमोर आलेत. पहिले सहा सामने २००७ ते २०१२ दरम्यान खेळले गेलेत.
IND vs SA : भारत संभाव्य इलेव्हन:
रोहित शर्मा (कर्णधार), विराट कोहली, ऋषभ पंत (यष्टीरक्षक), सूर्यकुमार यादव, शिवम दुबे, हार्दिक पंड्या, रवींद्र जडेजा, अक्षर पटेल, कुलदीप यादव, अर्शदीप सिंग आणि जसप्रीत बुमराह .
दक्षिण आफ्रिका संभाव्य इलेव्हन:
क्विंटन डी कॉक (यष्टीरक्षक), रीझा हेंड्रिक्स, एडन मार्कराम (कर्णधार), हेनरिक क्लासेन, डेव्हिड मिलर, ट्रिस्टन स्टब्स, मार्को जेन्सेन, केशव महाराज, कागिसो रबाडा, ॲनरिक नॉर्टजे, तबरेझ शम्सी.
T20 वर्ल्ड कपमध्ये विराट कोहलीची कामगिरी साधरण राहिलीय. खेळलेल्या ७ सामन्यात केवळ ७५ धावा केल्यात. ही आकडेवारी कोहलीसारख्या खेळाडूला शोभत नाहीये. पण कर्णधार रोहित शर्मा आणि प्रशिक्षक राहुल द्रविड यांनी त्याच्यावर विश्वास व्यक्त केलाय. किंग कोहली हा मोठे सामने खेळणारा खेळाडू आहे. त्याने अंतिम सामन्यासाठी आपली मोठी खेळी केलीय.
या T20 विश्वचषकातील भारतीय संघ विजयाचा दावेदार संघ आहे. भारतीय संघाने एकही सामना गमावला नाहीये. तर दक्षिण आफ्रिकेच्या संघाचही या स्पर्धेत दबदबा दिसून आलाय. दोन्ही संघ अजिंक्य ठरलेत. मात्र गेल्या वर्षी नोव्हेंबरमध्ये आपल्या भूमीवर झालेल्या एकदिवसीय विश्वचषकात भारताने सलग दहा सामने जिंकले, मात्र अंतिम फेरीत त्यांना पराभव पत्करावा लागला. मात्र यावेळी संघाला अंतिम सामना जिंकून १३ वर्षांचा विजेतेपदाचा दुष्काळ संपवायचाय.
T20 विश्वचषकाचे आतापर्यंत ८ फायनल झालेत. यामध्ये फक्त एकदाच नाणेफेक हरलेला संघ विजेता ठरला. तर ७ वेळा नाणेफेक जिंकणारा संघच चॅम्पियन ठरलाय. यामुळे आजच्या सामन्यात जो संघ टॉस जिंकेल तोच संघ विजेता बनू शकतो.
टी-२० विश्वचषकाचा आज नवा मानकरी ठरणार आहे. आज होणाऱ्या भारत विरुद्ध दक्षिण अफ्रिकेमध्ये आज सामना होणार आहे. या सामन्यानंतर टी-२० विश्वचषकाचा मानकरी कोण? हे स्पष्ट होणार आहे. [
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.