वनडे वर्ल्डकप २०२३ स्पर्धेचा समारोप झाला आहे. पुन्हा एकदा भारतीय संघाचं वर्ल्डकप ट्ऱॉफी जिंकण्याचं स्वप्न तुटलं आहे. रोहित शर्माच्या नेतृत्वाखाली खेळणाऱ्या भारतीय संघाने सलग १० सामने जिंकून वर्ल्डकपची फायनल गाठली होती.
मात्र फायनलमध्ये ऑस्ट्रेलियाने भारतीय संघाचं स्वप्न भंग केलं आणि चौथ्यांदा वर्ल्डकप ट्रॉफीवर कब्जा केला. हा सामना झाल्यानंतर आयसीसीने वर्ल्डकप २०२३ स्पर्धेच्या'टीम ऑफ द टूर्नामेंट'ची घोषणा केली. या संघात ६ भारतीय खेळाडूंना स्थान दिलं गेलं आहे.
या खेळाडूंना मिळालं स्थान...
वनडे वर्ल्डकप २०२३ स्पर्धा झाल्यानंतर आयसीसीने सर्वोत्तम ११ खेळाडूंचा संघ निवडला आहे. या ११ खेळाडूंमध्ये ६ भारतीय खेळाडूंचा समावेश आहे. ज्यात रोहित शर्मा, विराट कोहली, मोहम्मद शमी, रविंद्र जडेजा, जसप्रीत बुमराह आणि केएल राहुल यांचा समावेश आहे. (ICC Team Of The Tournament)
भारतीय संघातील अनुभवी फलंदाज विराट कोहलीने या स्पर्धेत फलंदाजी करताना सर्वाधिक ७६५ धावा चोपल्या. तर दुसरीकडे मोहम्मद शमीने सर्वाधिक २४ गडी बाद केले आहेत .
या खेळाडूकडे नेतृत्वाची धूरा..
भारतीय संघाचा कर्णधार रोहित शर्माकडे आयसीसीच्या प्लेइंग ११ चे कर्णधारपद सोपवण्यात आले आहे. रोहितच्या नेतृत्वाखाली खेळताना भारतीय संघाने सलग १० सामन्यांमध्ये विजय मिळवला.
तर फलंदाजी करताना त्याने ५९७ धावा चोपल्या. अफगाणिस्तानविरुद्ध झालेल्या सामन्यात त्याने ८४ चेंडूंचा सामना करत १३१ धावांची खेळी केली होती. रोहितसह जसप्रीत बुमराहनेही भारतीय संघाच्या विजयात मोलाचं योगदान दिलं आहे. त्याने गोलंदाजी करताना २० गडी बाद केले. (Latest sports updates)
वर्ल्डकप विजेत्या ऑस्ट्रेलिया संघातून ग्लेन मॅक्सवेल आणि अॅडम झाम्पा यांचा भारतीय संघात समावेश करण्यात आला आहे. न्यूझीलंडचा डॅरिल मिशेल, श्रीलंकेचा दिलशान मदुशंका आणि दक्षिण आफ्रिकेचा सलामीवीर फलंदाज क्विंटन डी कॉकचा या संघात समावेश करण्यात आला आहे.
अशी आहे आयसीसीने निवडलेली वर्ल्डकप २०२३ स्पर्धेची प्लेइंग ११:
रोहित शर्मा (कर्णधार), क्विंटन डी कॉक (यष्टीरक्षक), विराट कोहली, डॅरिल मिचेल, केएल राहुल, ग्लेन मॅक्सवेल, जसप्रीत बुमराह, दिलशान मदुशंका, अॅडम झाम्पा, रविंद्र जडेजा, मोहम्मद शमी.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
