IPL 2021: BCCI आणि वेस्ट इंडीज बोर्डमध्ये दिल जमाई

भारतीय क्रिकेट नियामक मंडळामध्ये (BCCI) आणि वेस्ट इंडीज क्रिकेटमध्ये (CWI) तारखांबाबत तोडगा निघाला आहे. 'इंडियन प्रीमियर लीग (IPL) आणि कॅरेबियन प्रीमियर लीग (CPL) या आत एकाच वेळी होणार नाहीत. सीपीएल आयोजकांनी बीसीसीआयची विनंती मान्य केली आहे आणि सीपीएलच्या तारखा पुढे ढकलल्या आहेत. जेणेकरून आयपीएल 2021 चे उर्वरित सामने 14 सप्टेंबरनंतर उपलब्ध मर्यादित विंडोमध्ये घेता येतील. सीपीएलच्या अखेरीस भारतीय संघाचा इंग्लड दौरा संपेल. भारत इंग्लंड दौऱ्यावर पाच कसोटी सामन्यांची मालिका खेळणार आहे.

एका माध्यमाच्या अहवालानुसार बीसीसीआयचे सचिव जय शाह यांनी सीपीएलचे सीओओ पीट रसेल यांना भेट दिल्यानंतर बीसीसीआय आणि सीपीएलच्या अधिकाऱ्यांनी या नव्या व्यवस्थेवर सहमती दर्शविली आहे. बीसीसीआयच्या सचिवांनी सीडब्ल्यूआयमधील आपल्या भागांशी बोलले असून त्यानंतर सीपीएलच्या वेळापत्रकात बदल करण्यास कॅरेबियन क्रिकेट अधिकाऱ्यांनी सहमती दर्शविली आहे. वेळापत्रकात केलेल्या बदलांबाबत सीडब्ल्यूआयचे अध्यक्ष रिकी स्कर्ट यांनी माध्यमांना सांगितले की, आयपीएल आणि सीपीएलमध्ये कसलंही ओहरलॅपींग होणार नाही. आम्ही आयपीएलच्या आयोजनाला सर्वोतोपरी पाठिंबा देणार आहोत.

बीसीसीआय आणि सीडब्ल्यूआय करारानंतर समजले की आता सीपीएल 25 ऑगस्ट ते 15 सप्टेंबर या कालावधीत होईल. त्याचबरोबर आयपीएलचा उर्वरित 14 वा हंगाम 18 किंवा 19 सप्टेंबरच्या आसपास सुरू होऊ शकतो. मुळात, सीपीएल 28 ऑगस्ट ते 19 सप्टेंबर दरम्यान होणार होती. सीपीएलने 27 एप्रिल रोजी जारी केलेल्या अधिकृत निवेदनात असे म्हटले होते की सेंट किट्स आणि नेव्हिस येथे 33 सामन्यांची स्पर्धा 28 ऑगस्टपासून सुरू होईल. मात्र, आता ही स्पर्धा 26 ऑगस्टपासून सुरू होऊ शकेल, असे समोर येत आहे. अशा परिस्थितीत सीपीएल लवकरच आपल्या नवीन तारखांची घोषणा करू शकते.