Thane DCC Bank Bharti: १०वी, १२वी पास तरुणांसाठी आनंदाची बातमी! ठाणे जिल्हा मध्यवर्ती बँकेत नोकरीची संधी; अर्ज कसा करावा?

नोकरीच्या शोधात असणाऱ्यांसाठी महत्त्वाची बातमी आहे. ठाणे जिल्हा मध्यवर्ती सहकारी बँकेत सध्या भरती जाहीर करण्यात आली आहे. ज्युनिअर बँकिंग श्रेणीअंतर्गत ही भरती केली जाणार आहे. एकूण १६५ पदांसाठी भरती करण्यात येणार आहे. ठाणे जिल्हा मध्यवर्ती बँकेतील ही नोकरी तुमच्या करिअरच्या उद्देशाने खूप चांगली संधी आहे.

या पदांसाठी होणार भरती

ज्युनिअर बँकिंग असिस्टंट या श्रेणीतील १२३ पदे रिक्त आहेत. शिपाई पदांसाठी ३६, सुरक्षारक्षक पदांसाठी ५ जागा, वाहनचालक पदासाठी १ जागा रिक्त आहेत. या नोकरीसाठी उमेदवारांची भरती सरळसेवा पद्धतीने होणार आहे. यासाठी जाहिरात प्रसिद्ध करण्यात आली आहे. या नोकरीसाठी तुम्हाला ऑनलाइन पद्धतीने अर्ज करता येणार आहे.

ठाणे जिल्हा मध्यवर्ती बँकेत ८वी, १०वी, १२वी आणि पदवीधर उमेदवार अर्ज करु शकतात. या नोकरीसाठी निवड झाल्यावर तुम्हाला १५००० ते २०,००० रुपये वेतन मिळणार आहे.या नोकरीसाठी तुम्ही अधिकृत वेबसाइटवर जाऊन अर्ज करावेत.

या नोकरीसाठी १८ ते ३८ वयोगटातील उमेदवार अर्ज करु शकतात. या नोकरीसाठी अर्ज करताना ५९० ते ९४४ रुपये शुल्क भरावा लागणार आहे. या नोकरीसाठी उमेदवारांनी निवड ऑनलाइन परीक्षा, कागदपत्रे पडताळणी, मुलाखतीद्वारे होणार आहे. ऑनलाइन परीक्षेत निवड झाल्यानंतर तुम्हाला मुलाखतीसाठी बोलवले जाणार आहे.

या नोकरीसाठी निवड झाल्यावर प्रोबेशन कालावधी १ वर्षांचा असणार आहे. यासाठी अर्ज करण्याची शेवटची तारीख २९ ऑगस्ट २०२५ असणार आहे. या नोकरीसाठी उमेदवारांची निवड झाल्यावर तुम्हाला चांगला पगार मिळणार आहे.