Indian Navy Recruitment: नौदलात काम करण्याचे स्वप्न होणार पूर्ण; 'या' पदासाठी सुरु आहे भरती; जाणून घ्या संपूर्ण माहिती

भारतीय नौदलात नोकरी करण्याची अनेकांची इच्छा असते. जर तुम्हालाही नौदलात नोकरी करायची असेल तर ही माहिती खास तुमच्यासाठी आहे. भारतीय नौदलात एसएसआर मेडिकल पदासाठी भरती जाहीर करण्यात आली आहे. याबाबत भारतीय नौदलाने अधिसूचना जाहीर केली आहे.

भारतीय नौदलात मेडिकल असिस्टंट पदासाठी अर्जप्रक्रिया ७ सप्टेंबरपासून सुरु होणार आहे. नोकरीसाठी अर्ज करण्याची शेवटची तारीख १७ सप्टेंबर २०२४ आहे. तुम्ही indiannavy.gov.in या वेबसाइटवरुन अर्ज करु शकतात. (Indian Navy Recruitment)

पात्रता (Eligibility)

भारतीय नौदलात सुरु असलेल्या या भरतीत उमेदवाराने मान्यताप्राप्त बोर्डातून बारावीपर्यंतचे शिक्षण पूर्ण केलेले असावे. बायोलॉजी, भौतिकशास्त्र आणि रसायनशास्त्र विषयात पदवी प्राप्त उमेदवार या नोकरीसाठी अर्ज करु शकतात. उमेदवाराचे कमा वय २२ असावे. उमेदवाराचा जन्म १ नोव्हेंबर २००३ ते ३० एप्रिल २००७ या कालावधीत झाला असावा.

याचसोबत सध्या नौदलात शॉर्ट सर्विस कमिनस ऑफिसर पदासाठीदेखील भरती सुरु आहे. यामध्ये जनरल सर्व्हिस, एअर ट्राफिक कंट्रोलर, एअर ऑपरेशंस ऑफिसर, पायलट एसएससी ऑफिसर या पदांचा समावेश आहे. बीई/बीटेक/मास्टर्स पदवी प्राप्त उमेदवार या नोकरीसाठी अर्ज करु शकतात.