Bank Of Baroda: बँक ऑफ बडोदामध्ये नोकरीची संधी; ४००० रिक्त पदे; पात्रता अन् अर्जप्रक्रिया काय?

बँकेत सरकारी नोकरी करण्याची अनेकांची इच्छा असते. जर तुम्हालाही बँकेत नोकरी करायची असेल तर ही माहिती तुमच्यासाठी आहे. बँक ऑफ बडोदामध्ये नोकरी करण्याची उत्तम संधी आहे. बँक ऑफ बडोदामध्ये ४००० अप्रेंटिस पदासाठी भरती जाहीर करण्यात आली आहे. या भरतीबाबत अधिकृत जाहिरात प्रसिद्ध करण्यात आली आहे. (Bank of Baroda Recruitment)

या नोकरीसाठी इच्छुक उमेदवारांनी www.bankofbaroda.in या वेबसाइटवर जाऊन अर्ज करायचा आहे. या नोकरीसाठी अर्जप्रक्रिया १९ फेब्रुवारी २०२५ पासून सुरु झाली आहे. या नोकरीसाठी अर्ज करण्याची शेवटची तारीख ११ मार्च २०२५ आहे. इच्छुक उमेदवारांनी लवकरात लवकर अर्ज करावेत.

बँक ऑफ बडोदाची ही भरती वेगवेगळ्या राज्यांमध्ये केली जाणार आहे. महाराष्ट्रात ३८८ पदांसाठी ही भरती केली जाणार आहे. बँक ऑफ बडोदाच्या वेगवेगळ्या ब्रँचसाठी उमेदवारांची निवड केली जाणार आहे. या नोकरीसाठी लवकरात लवकर अर्ज करावेत. (Bank Of Baroda Jobs)

बँक ऑफ बडोदामधील या नोकरीसाठी अर्ज करताना उमेदवारांनी मान्यताप्राप्त विद्यापीठातून ग्रॅज्युएशन केलेले असावे. याचसोबत NAPS किंवा NATS रजिस्ट्रेशन केलेले असावे. या नोकरीबाबत अधिकृत वेबसाइटवर नोटिफिकेशन जाहीर केले आहे.

या नोकरीसाठी अर्ज करण्यासाठी २० ते २८ वयोगटातील उमेदवार अर्ज करु शकतात. मेट्रो, अर्बन ब्रँचमध्ये १५००० रुपये स्टायपेंड मिळणार आहे. तर ग्रामीण बँकेत १२००० रुपये पगार मिळणार आहे. या नोकरीसाठी ऑनलाइन परीक्षा, कागदपत्र वेरिफिकेशन केलेले असावे. बँकेची ही अप्रेंटिसशिप १२ महिन्यांसाठी असणार आहे.