Winter News Railway Track Shrinking: राजस्थानमध्ये थंडीचा कहर; चुरूमध्ये रेल्वेरुळही आकुंचन पावले, २ इंचाचा आला गॅप

Rajasthan Winter News

प्रचंड कडाक्याच्या थंडीमुळे राजस्थानमधील दैनंदिन जीवन विस्कळीत झालं आहे. हाडे गोठवणाऱ्या थंडीमुळे केवळ माणसंच गारठली नाहीत तर रेल्वे रुळाच्या पट्ट्याही आकुंचन पावल्या आहेत. पटऱ्यांमध्ये २ इंचाचा गॅप आला असून अपघाताची शक्यता वाढली आहे. नुकताच चुरू जिल्ह्यातील रतनगडमध्ये रेल्वे ट्रॅक आकुंचन पावून १० मिमीचा गॅप आल्याची घटना समोर आली आहे.

राजस्थान जिल्ह्यातील भौगोलिक स्थितीमुळे येथील हिवाळा आणि उन्हाळा दोन्ही कडाक्याचे असतात. हिवाळ्यात इथलं तापमान ५० अंशांच्या पुढे जातं आणि हिवाळ्यात किमान पातळीच्या खाली तापमान जातं. कधी कधी ते मायनस २ ते ३ अंशांपर्यंत पोहोचतं. सध्या तापमान मायनसमध्ये गेलं नसलं तरी कडाक्याच्या थंडीमुळे नागरिकांचे हाल होतायेत.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

रतनगडमधील जीआरपी पोलीस स्टेशनसमोरील मुख्य रेल्वे लाईनमध्ये रेल्वे रुळ लहान झाल्याची माहिती समोर आली आहे. रतनगड जंक्शनवर असलेल्या या मुख्य मार्गावर बहुतांश मालगाड्या धावतात. या गाड्यांचा अधिक भार असतो. अशा परिस्थितीत ट्रेन रुळावरून खाली जाऊन मोठी दुर्घटना घडू शकते. ट्रॅक आकुंचन पावल्याचीबाब गस्ती पथकाला समजल्यानंतर ट्रॅकच्या दुरुस्तीचे काम हाती घेण्यात आले आहे. तसेच मार्गावरील वाहतून बंद करण्यात आली होती. रेल्वे प्रशासने इतर ट्रॅकची तपासणी आणि दुरुस्तीचं काम हाती घेतलं आहे.