Traffic Police Viral Video: पोलिसांना पाहताच प्रत्येकाची भंबेरी ही उडतेच. माणूस कितीही धाडसी असला तरी पोलिसांना पाहताच धडकी भरतेच. हे पोलिस जर गाडी चालवताना रस्त्यावर दिसले तर पळापळ ही ठरलेलीच असते. मात्र सध्या एका तरुणाच्या व्हिडिओने सोशल मीडियावर सर्वांचेच लक्ष वेधले आहे. त्याचे कारण म्हणजे या तरुणाने पोलिसांसमोर केलेला कारनामा. हेल्मेट न घालता गाडी चालवल्याने पोलिसांनी अडवल्यानंतर या तरुणाने थेट त्यांना जबरदस्त रॅपच सुणावला. काय आहे या व्हायरल व्हिडिओमागील (Viral Video) कथा, चला जाणून घेवू....
अपघात टाळण्यासाठी वाहतूक पोलिस आपल्याला अनेक नवनवे नियम सांगत असतात. ज्याची अंमलबजावणी करणे हे आपले कर्तव्य असते. मात्र अनेकदा वाहन चालकांकडून नियमांचे पालन केले जात नाही, ज्यामुळे त्यांना दंड करावा लागतो. सध्या अशाच एका विना हेल्मेट गाडी चालवणाऱ्या तरुणाचा व्हिडिओ समोर आला आहे. या व्हिडिओमधील तरुणाने त्याला थांबवल्यानंतर असा कारनामा केलाय जो पाहून तुम्हीही चकित व्हाल..
सोशल मीडियावर व्हायरल होत असलेल्या या व्हिडिओमध्ये पोलिसांना पाहताच तरुण बाईक थांबवतो. पोलिसांसह काही लोकांनी त्या तरुणाला घेरल्याचंही व्हिडीओत दिसत आहे. त्यामुळे इच्छा असूनही तेथून पळ काढणं अशक्य असल्याचं तरुणाच्या लक्षात येताच तो पोलिसांच्या कारवाईपासून आपला बचाव करण्यासाठी चक्क गाणं गायला सुरुवात करतो.
हा व्हिडिओ सध्या इंस्टाग्रामवर (Instagram) तुफान व्हायरल होत असून नेटकऱ्यांनी त्यावर जोरदार प्रतिक्रिया दिल्या आहेत. काहीही झालं तरी दंड माफ करु नका, अशी प्रतिक्रिया अनेक नेटकऱ्यांनी व्यक्त केली आहे. तर काही जणांनी त्याने गायलेल्या गाण्यातून मोलाचा संदेश दिल्याचे सांगत या तरुणाचे कौतुकही केले आहे.. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
