जेवणासाठी बुलेटवरून निघाले, वाटेत भयंकर घडलं, टँकरच्या धडकेत ३ उच्चशिक्षित तरुणांचा मृत्यू

ग्रेटर नोएडास्थित बीटा - २ पोलीस स्टेशन हद्दीत एक भंयकर अपघाताची घटना घडली आहे. चुहडपुर अंडरपासजवळ बुलेट मोटारसायकलवरून जाणाऱ्या तीन विद्यार्थ्यांना पाण्याच्या टँकरनं धडक दिली. या भीषण अपघातात तिघेही गंभीर जखमी झाले. जखमींना तातडीने खासगी रूग्णालयात दाखल करण्यात आले. मात्र, डॉक्टरांनी तपासून त्यांना मृत घोषित केले.

गाझियाबाद येथील पंचवटी कॉलनीतील स्वयंम सागर, गाजीपूरचा कुश उपाध्याय आणि बरेली येथील सॅटेलाइट कॉलनीतील समर्थ पुंडीर असे मृत तरूणांची नावे आहेत. तिघेही गौतम बुद्ध विद्यापीठातील बी.टेक साईंसचे विद्यार्थी होते.

रविवारी सायंकाळी ५ वाजवण्याच्या सुमारास तीन विद्यार्थी जीबीयूहून निंबस सोसायटीला जेवणासाठी बुलेट गाडीनं जात होते. त्यापैकी कुणीही हेल्मेट घातले नव्हते. चुहडपुर अंडरपासजवळ येताच बुलेटची पाण्याच्या टँकरशी टक्कर झाली. तिघेही रस्त्यावर पडले.

रक्तबंबाळ अवस्थेत तिघेही वेदनेनं तडफडत होते. स्थानिकांनी पोलिसांना या अपघाताची माहिती दिली. तिघांना जवळील खासगी रूग्णालयात दाखल करण्यात आले. माहिती मिळताच पीडितांचे नातेवाईक रूग्णालयात पोहोचले. दोन विद्यार्थ्यांचा उपचारादरम्यान मृत्यू झाला. तर, एकाचा दुसऱ्या रूग्णालयात हलवण्यात आल्यानंतर मृत्यू झाला. तिघांचे मृतदेह शवविच्छेदनासाठी पाठवण्यात आलं आहे. पोलिसांकडून अधिक तपास सुरू आहे.