Sydeny Floods 2022 : सिडनीत अतिवृष्टी; हजारो नागरिकांना पुराच्या पाण्याचा धाेका

ऑस्ट्रेलिया : मुसळधार पावसाने (rain) शहरास झोडपल्याने शहर (city) आणि परिसरात माेठ्या प्रमाणात पुराचे पाणी शिरले. त्यामुळे रविवारी सिडनीमधील हजारो नागरिकांना (citizen) घरे रिकामी करण्याचे आवाहन करण्यात आले. संपूर्ण शहरातील रस्ते पाण्याने व्यापून गेले हाेते. (sydney rain updates in marathi)

न्यू साउथ वेल्स राज्याच्या आपत्कालीन सेवा मंत्री स्टेफनी कुक यांनी माध्यमांशी बाेलताना, "ही जीवघेणी आणीबाणीची परिस्थिती आहे." काही रस्ते आधीच पाण्याखाली आहेत. काही ठिकाणी अचानक पूर येण्याचा धोका असल्याने सार्वजनिक वाहतुकीसह कोणीही अनावश्यक प्रवास टाळावा असे आवाहन करण्यात येत आहे.

रविवारी पहाटे वरगांबा धरण (Warragamba Dam) अपेक्षापेक्षा पुर्वीच भरले. सिडनीच्या नैऋत्य उपनगरातील कॅमडेनमध्ये एक लाखहून अधिक जनतेचे घर, स्थानिक दुकाने आणि पेट्रोल पंपाना पुराच्या पाण्याचा फटका बसला आहे.

Edited By : Siddharth Latkar