जिल्हा परिषद शाळेनजीकच्या शेतात घुसला गवा; ग्रामस्थ चिंतेत

सांगली : सांगली (Sangli) जिल्ह्यातील वाळवा तालुक्यातील शिगाव येथे फारणेवाडी रस्त्याच्या सुरुवातीस आज (रविवार) सकाळी ग्रामस्थांना गवा (bison) दिसला. यामुळे परिसरातील शेतकरी (farmers) आणि शेतमजूर यांच्यात भीतीचे वातावरण पसरले आहे. (sangli bison latest marathi news)

शिगावात गवा दिसल्याने ग्रामस्थांत घबराहट पसल्याची माहिती गावाचे लोकनियुक्त सरपंच उत्तम गावडे व त्यांचे सहकारी यांनी पोलीस प्रशासन, वन विभाग यांना कळवली आहे. शिगाव गावात गवा काेठून आला असा प्रश्न नागरिकांना पडला आहे. काही दिवसांपूर्वी वडगाव (ता. हातकणंगले) येथे गवा दिसला होता.

त्यानंतर वडगाव परिसरात गव्याचा चक्क कळपच दिसला होता. कदाचित त्यातीलच एक गवा नदी ओलांडून किंवा पुलावरून पहाटे शिगाव गावात आला असावा असा अंदाज व्यक्त केला जात आहे. सध्या गवा शिगाव येथील जिल्हा परिषद शाळेच्या मागील ऊसाच्या शेतात बसला आहे अशी माहिती मिळाली आहे.

Edited By : Siddharth Latkar