High Court: ड्युटीवर झोपणे चुकीचंच; उच्च न्यायलयाचा कर्मचाऱ्यांना दणका

कामावर असताना अनेकदा खूप थकवा जाणवतो. ८-९ तासांची शिफ्ट आणि त्यानंतर प्रवास करुन माणूस पूर्णपण दमतो. त्यामुळे कधीकधी कामाच्या ठिकाणी कर्मचारी एखादी डुलकी घेतो. थोडा वेळा पॉवर नॅप घेतो. परंतु ड्युटीवर असताना डुलक्या घेणाऱ्यांना उच्च न्यायल्याने चांगलेच झापले आहे.

ड्युटीवर झोप काढणे हे गैरवर्तनच आहे, असा महत्त्वपूर्ण निर्वाळा न्यायमूर्ती संदीप मारणे यांच्या एकलपीठाने केला आहे.ड्युटीवर झोप काढल्याने कामावरुन एका कर्मचाऱ्याला काढून टाकले होते. या कामगाराला थकीत देयकासह पुन्हा कामावर घेण्याचे आदेश कामगार न्यायालयाने दिला होता. तो आदेश आता उच्च न्यायालयाने रद्द केला आहे. (High Court Descision On Sleeping On Duty)

कामावर झोप काढणाऱ्या कर्मचाऱ्याला शिक्षा देताना त्या कर्मचाऱ्याच्या सर्व्हिसचा मागचा रेकॉर्ड लक्षात घेणे महत्त्वाचे आहे. आरोपाला पुष्टी देणारे काही पुरावे असतील तर कामगार आणि औद्योगिक न्यायालय कंपनीने केलेल्या चौकशीतील निष्कर्ष रद्द करु शकत नाही, असे निरिक्षण उच्च न्यायालयाने नोंदवले आहेत.

ड्युटीवर असताना झोपलेल्या कर्मचाऱ्याला पुन्हा कामावर घेण्याचा आणि थकीत वेतन देण्याचा निर्णय रद्द केला आहे.याबदल्यात कर्मचाऱ्याला २२ लाख रुपयांची भरपाई मंजूर केली आहे.

नेमकं काय घडलं होतं?

'असाही'कंपनीत वाकेड प्लांटमध्ये काम करणाऱ्या कर्मचारी नदीम डोलारे याने ही याचिका दाखल केली होती. २००६ रोजी नाइट शिफ्ट करताना तो चेंजिंग रुममध्ये झोपला होता. याप्रकरणी नदीमला ३१ ऑगस्ट २००७ रोजी कामावरुन काढले होते. या बडतर्फीच्या आदेशाला नदीम यांनी आव्हान दिले होते. त्यावर कामागार न्यायालयाने शिस्तभंग आणि संबंधित चौकशीतील निष्कर्ष चुकीचे ठरवले आहेत.