Snake Video : बापरे! तरुणीच्या थेट कानातच शिरला साप; VIDEO पाहून थरकाप उडेल

Snake Inside Women Ear : साप असा शब्दही जर कानावर पडला तर भल्याभल्यांना घाम फुटतो. पण कधी कानातच साप (Snake) गेला तर..? ऐकून धक्का बसेल, पण एका तरूणीच्या कानात चक्क साप गेल्याचा धक्कादायक व्हिडीओ सोशल मीडियावर तुफान व्हायरल झाला आहे. या प्रकारामुळे लोक आता आपल्या कुटुंबीयांना आणि मित्रांना सतर्क करण्यासाठी हा व्हिडीओ (Viral Video) शेअर करत आहेत. (Snakes Enter In Women Ear Watch Video)

तरुणीच्या कानात साप कसा शिरला?

प्राप्त माहितीनुसार, एक तरुणी आपल्या घरात निवांत झोपली होती. त्यावेळी तिला आपल्या कानात काहीतरी शिरलं असं कळालं. कानाला भयंकर त्रास होत असल्याने सदरील तरुणी डॉक्टरांकडे पळत गेली. जेव्हा डॉक्टरांनी तरुणीच्या कानाची तपासणी केली तेव्हा त्यांच्या पायाखालची जमीनच सरकली.

या तरुणीच्या कानात साप गेला असल्याचं डॉक्टरांना कळालं. सुरूवातील डॉक्टरही घाबरले होते. मात्र त्यांनी धिरानं काम घेतलं. डॉक्टरांनी तरुणीला बसवून हातात ग्लोज घातले आणि लहान चिमट्याने सापाला बाहेर काढलं. ही घटना नक्की कुठली आहे, हे कळू शकलेलं नाही. (Snakes And Women Viral Video)

दरम्यान, हा व्हिडीओ shilparoy9933 नामक इन्स्टाग्राम अकाउंटवरून शेअर करण्यात आला आहे. व्हिडीओत तुम्ही पाहू शकता की कशाप्रकारे डॉक्टर चिमट्याच्या मदतीने सापाला कानातून बाहेर काढण्याचा प्रयत्न करत आहेत.

सापाचे डोके कानातून बाहेर स्पष्ट दिसत आहे. अंगावर काटा आणणारा हा व्हिडीओ पाहून अनेकांनी आश्चर्य व्यक्त केले आहे. दरम्यान, तरुणीच्या कानात साप कसा गेला याबद्दल अधिक माहिती अद्याप समोर आली नाही. काही सेकंदांचाच असलेला हा व्हिडीओ आता इंटरनेटवर चांगलाच व्हायरल झालाय.

Edited By - Satish Daud