बलात्कार प्रकरणात अटकेत असलेल्या न्यायाधीशांबाबत धक्कादायक खुलासे

पीडित मुलाला शहरातील आरबीएम रुग्णालयात प्रकृती अस्वास्थ्यामुळे दाखल केल्यानंतर हे उघड झाले आहे.
बलात्कार प्रकरणात अटकेत असलेल्या न्यायाधीशांबाबत धक्कादायक खुलासे
बलात्कार प्रकरणात अटकेत असलेल्या न्यायाधीशांबाबत धक्कादायक खुलासेSaam TV
Published On

राजस्थान: राजस्थानमधील भरतपूर येथे १४ वर्षीय अल्पवयीन मुलावर बलात्कार केल्याप्रकरणी अटक करण्यात आलेले लाचलुचपत प्रतिबंधक विभागाचे निलंबित न्यायाधीश जितेंद्र गुलिया यांच्याबाबत पोलिसांच्या चौकशीत अनेक खुलासे समोर आले आहेत. गुलियांनी भरतपूर येथील पीडित अल्पवयीन मुलाशिवाय आणखी दोन जणांवर दबाव टाकून बलात्कार केल्याचे पोलिसांच्या हाती लागले आहे. पोलीस याबाबत अधिकृतपणे काहीही सांगत नसले तरी सुत्रांनी दिलेल्या माहितीनुसार, पोलिसांच्या तपासात गुलियाचे अनेक कारनामे उघड झाले आहेत. त्याच्या या कृत्यामुळे नातेवाइकांनीही गुलियाशी संबंध तोडला होता. पीडित मुलाला शहरातील आरबीएम रुग्णालयात प्रकृती अस्वास्थ्यामुळे दाखल केल्यानंतर हे उघड झाले आहे.

बलात्कार प्रकरणात अटकेत असलेल्या न्यायाधीशांबाबत धक्कादायक खुलासे
मुलीला वेश्या व्यावसायात ढकलणाऱ्या बॉयफ्रेंडचा बापाकडून खून; वर्षभरानंतर उलगडा

उच्च न्यायालयाने न्यायाधीशांना निलंबित केले होते

भरतपूरमध्येही दोन महिन्यांपूर्वी त्यांनी एका चिमुरड्यावर बलात्काराचा प्रयत्न केला होता, मात्र मुलाच्या नातेवाइकांच्या सतर्कतेने ते यशस्वी होऊ शकला नाही. गुलिया यांना त्या मुलाच्या नातेवाईकांनी मारहाण देखील केली होती. दरम्यान, जिल्हाधिकारी हिमांशू गुप्ता आणि पोलिस अधीक्षक देवेंद्र बिश्नोई यांनी पीडितेच्या घरी जाऊन पूर्ण सुरक्षेचे आश्वासन दिले. पोलिस उपअधीक्षक सतीश वर्मा या प्रकरणाचा तपास करत असल्याचे बिष्णोई यांनी सांगितले. उच्च न्यायालयाने गुलिया यांना यापूर्वीच निलंबित केले आहे. किशोरच्या आईने सांगितले की, पोलिसात गुन्हा नोंदवल्यानंतर गुलियांनी पोस्टचा अभिमान दाखवत मला कोणीही नुकसान पोहोचवू शकत नाही, मी न्यायाधीश आहे, अशी धमकी दिली.

बलात्कार प्रकरणात अटकेत असलेल्या न्यायाधीशांबाबत धक्कादायक खुलासे
हजारो वीज कंत्राटी कामगारांची दिवाळी वेतनाविना अंधारात

जाणून घ्या काय आहे प्रकरण

एक 14 वर्षांचा मुलगा टेनिस खेळण्यासाठी शहरातील जिल्हा क्लबमध्ये जात असे. जितेंद्र गुलियाही तिथे टेनिस खेळायचे. त्याची मुलाशी ओळख झाली आणि मग एके दिवशी त्याला घरी नेले. त्यानंतर त्यांनी कोल्ड्रिंकमध्ये त्या मुलाला नशा पाजून मुलावर बलात्कार केला. त्यांनी त्या मुलाचा अश्लील व्हिडिओही बनवला. नंतर कोणाला सांगितल्यास आई व भावासह असेच घाणेरडे काम करण्याची धमकी दिली. 28 ऑक्टोबर रोजी गुलिया त्यांच्या कारमध्ये किशोरला घरी सोडण्यासाठी आला. कारमधून उतरत असताना त्याने मुलावर लैंगिक अत्याचार केला. घराच्या बाल्कनीत उभ्या असलेल्या आईने हा प्रकार पाहिला. आईने चौकशी केली असता किशोरने संपूर्ण प्रकरणाची माहिती दिली.

रविवारी मथुरा गेट पोलिस ठाण्यात पोहोचलेल्या आईने गुलिया, अंशुल आणि राहुलविरुद्ध गुन्हा दाखल केला. अंशुल आणि राहुलनेही किशोरसोबत गैरवर्तन केले होते. गुलिया जबरदस्तीने दारू पाजून चुकीचे काम करत असे, असे किशोरने पोलिसांना सांगितले. पोलिसात गुन्हा दाखल झाल्यापासून दोघेही फरार आहेत. त्याचवेळी पोलीस उपअधीक्षक परमेश्वर लाल यांनीही बंदोबस्तासाठी दबाव टाकला होता. पोक्सो कायद्यान्वये पोलिस या प्रकरणाचा तपास करत आहेत.

Edited By: Pravin Dhamale

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com