धक्कादायक! गटारावर फटाके फोडताना अचानक उडाला भडका

वृत्तसंस्था : दिवाळीत Diwali फटाके crackers फोडण्याचा मोठ्या प्रमाणात उत्साह लहान मुलांमध्ये असतो. तुम्ही देखील आपल्या मुलांना फटाके फोडण्यासाठी देत असात तर विशेष काळजी घेण्याची आवश्यकता आहे. याचे कारण म्हणजे आता असा एक व्हिडीओ समोर आला आहे. ज्यामध्ये लहान मुले फटाके फोडत असताना अचानक भडका उडाला आहे. अंगावर शहारे आणणारा हा व्हिडीओ पालकांना सतर्क करणारा आहे.

हे देखील पहा-

गुजरातमधील सुरत Surat या ठिकाणी ५ लहान मुले गटारीवर असलेल्या झाकणावर फटाके पेटवत होते आणि त्याच दरम्यानच अचानक भडका उडाला आहे. भडका उडाल्यामुळे काही मुलांना दुखापत देखील झाली असल्याची माहिती मिळाली आहे. घराच्या बाहेर मुख्य रस्त्यावर असलेल्या गटारीच्या झाकणावर ही मुले फटाके पेटवत असताना ही घटना घडली आहे.

ही संपूर्ण घटना शेजारी लावण्यात आलेल्या सीसीटीव्ही कॅमेऱ्यामध्ये कैद झालं आहे. गटारामध्ये मलमूत्र, इतर कचरा आणि विष्ठा असल्यामुळे ते एकत्र येऊन ज्वलनशील वायूची निर्मिती होते. फटाके देखील ज्वलनशील असतात. गटारावर फटाके पेटवल्याने गटारी मधील वायूचा आगी बरोबर संपर्क आल्यामुळे ही घटना घडल्याची सांगितलं जात आहे. सीसीटीव्हीमध्ये ही संपूर्ण घटना कैद झाली आहे. व्हिडीओत दिसत आहे की, लहान मुले गटाराच्या झाकणावर फटाके फोडत आहेत.

दरम्यान फडका उडाल्याने आगीच्या ज्वाळा जवळपास २ ते ३ फूट उंचावर येताना दिसत आहे. सुरत मधील गल्ली क्रमांत ७ जवळील सोसायटी बाहेर बुधवारी ही धक्कादायक घटना घडली आहे. या घटनेचा व्हिडीओ मोठ्या प्रमाणात व्हायरल होत आहे. ही घटना सतर्क करणारी असून, पालकांनी आणि मुलांनी फटाके फोडताना विशेष काळजी घेणे किती आवश्यक आहे हे यावरुन दिसून येत आहे.

Edited By- Digambar Jadhav