RBI on Inflation : वाढत्या महागाईवर RBI गव्हर्नर यांचे स्पष्ट मत; व्याजदर वाढ रोखणे आमच्या हातात नाही!

RBI Governor Shaktikanta Das on Inflation : वाढत्या महागाईवर रिझर्व्ह बँकेचे गव्हर्नर शक्तिकांत दास यांनी स्पष्ट मत व्यक्त केले आहे. वाढते व्याजदर रोखणे आरबीआयच्या हातात नाही, असे दास म्हणाले.

आरबीआय गव्हर्नर (RBI Governor) शक्तिकांत दास (Shaktikanta Das) म्हणाले की, 'आगामी दिवसांत व्याजदार कपातीचा निर्णय अर्थव्यवस्थेची त्या- त्या वेळची परिस्थिती आणि आकडेवारीवर अवलंबून असेल.' (Latest Marathi News)

मे महिन्यात किरकोळ महागाई दर एप्रिलच्या तुलनेत कमी होतील असा अंदाज आहे. एप्रिलमध्ये किरकोळ महागाई दर १८ महिन्यांचा निचांकी स्तर ४.७० टक्क्यांवर आला. तर त्याच्या बरोबर एका वर्षापूर्वी एप्रिल २०२२ मध्ये किरकोळ महागाई दर ७.७९ टक्क्यांवर पोहोचला होता, असेही शक्तिकांत दास म्हणाले.

सीआयआयच्या वार्षिक सभेला संबोधित करताना शक्तिकांत दास यांनी वाढत्या व्याजदरांवरही मत व्यक्त केले. वाढते व्याजदर रोखणे आरबीआयच्या हातात नाही. त्या- त्या वेळच्या परिस्थितीवर ते अवलंबून असेल.

महागाई दर नक्कीच कमी झाले आहेत. पण ही वेळ निष्काळजीपणा करण्याची नाही. आर्थिक वर्ष २०२२-२३ साठी जीडीपी ७ टक्क्यांहून अधिक असू शकतो असे संकेत आकडेवारीवरून मिळतात, असेही दास म्हणाले.