Rajasthan Video : राजस्थानमधील उदयपूर येथे एक खळबळजनक घटना घडली. विजेच्या तारेला स्पर्श झाल्याने एका ट्रकचालकाचा मृत्यू झाला. या घटनेचे सीसीटीव्ही फुटेज सोशल मीडियावर व्हायरल होत आहे. या फुटेजमध्ये हा ट्रकचालक ट्रकवर ताडपत्री लावत होता. यादरम्यान विजेच्या तारेला त्याचा चुकून स्पर्श झाला. विजेच्या धक्क्याने ट्रकचालक मृत्युमुखी पडला.
मिळालेल्या माहितीनुसार, मंगळवारी (२२ जुलै) दुपारी दोनच्या सुमारास दाबोक पोलीस स्टेशनच्या हद्दीत ही घटना घडली. उदयपूरच्या रिको औद्योगिक क्षेत्रातील मोदी केमिकस फॅकट्रीमध्ये एक ट्रक माल उतरवण्यासाठी आला होता. कारखान्याच्या गेटबाहेर उभ्या असलेल्या ट्रकमधून सामान उतरवल्यानंतक ट्रकचा चालक रामलाल गदरी ट्रकवरील ताडपत्री नीट करण्यासाटी ट्रकवर चढला.
ट्रकवर ताडपत्री सरळ करताना चुकून रामलालच्या डोक्याला विजेच्या तारेचा स्पर्श झाला. विजेचा धक्का लागताच रामलाल ट्रकवरच कोसळला. त्याचा जागीच मृत्यू झाला. या घटनेचे सीसीटीव्ही फुटेज समोर आले आहे. व्हिडीओमध्ये डोक्याचा तारेशी संपर्क झाल्यानंतर रामलालच्या डोक्यातून एक जोरदार ठिणगी निघाल्याचे आणि तो ट्रकवर पडल्याचे पाहायला मिळते.
रामलाल गदरीच्या मृत्यूची माहिती मिळताच त्याच्या कुटुंबियांनी आणि त्याच्या ओळखीच्या लोकांनी कारखान्यासमोर गर्दी केली. कारखान्याच्या मालकाला नुकसानभरपाईची मागणी करण्यासाठी आंदोलन सुरु केले. सुरुवातीला रामलालच्या मृत्यूचे कारण समोर आले नव्हते. निषेध वाढल्यानंतर सीसीटीव्ही फुटेज तपासण्यात आले, त्यावेळेस रामलालचा मृत्यू कसा झाला हे उघडकीस आले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.