Rahul Gandhi Press Conference : मोदी आडनावाबद्दल केलेल्या वक्तव्याप्रकरणी काँग्रेस नेते राहुल गांधी यांना गुजरातमधील कोर्टानं दोषी ठरवत दोन वर्षांची शिक्षा सुनावली आहे. यानंतर राहुल गांधी यांची खासदारकी आपोआप रद्द करण्यात आली.
लोकसभा सचिवालयानं यासंबंधीत नोटिफिकेशन देखील प्रसिद्ध केले आहे. यावनंतर राहुल गांधी यांनी पत्रकार परिषद घेऊन भाजप आणि पंतप्रधान नरेंद्र मोदींवर हल्लाबोल केला.
यावेळी बोलताना राहुल गांधी यांनी पुन्हा एकदा सावरकरांचा उल्लेख केला. या पत्रकार परिषदेत एका पत्रकाराने राहुल गांधी यांना एक प्रश्न विचारला. तुम्ही विदेशात केलेल्या भाषणानंतर भाजप नेत्यांनी तुम्हाला माफी मागण्यास सांगितले, कोर्टात माफी मागण्यास सांगण्यात आले होते, तुम्ही याबाबत काय विचार करता असा प्रश्न पत्रकाराने विचारला. या प्रश्ना उत्तर देताना राहुल गांधी म्हणाले. माझं नाव सावरकर नाही, माझं नाव गांधी आहे आणि गांधी कोणाचीही माफी मागत नाहीत.
या पत्रकार परिषदेत राहुल गांधी यांनी अदानी प्रकरणावरुन भाजपवर हल्लाबोल केला. "लोकशाहीवर हल्ला होत असून याची अनेक उदाहरणे समोर येत आहेत. राहुल गांधी म्हणाले, नरेंद्र मोदी यांचे (Narendra Modi) अदांनीसोबत काय संबंध आहेत आणि ते शेल कंपन्यांचे २०,००० कोटी कोणाचे आहेत? असा प्रश्न मी विचारला होता. तो पैसा अदांनीचा नाही, अन्य लोकांचा आहे. मग ते कुणाचे आहेत, असा प्रश्न मी केला. त्यामुळे माझा आवाज दाबण्यात प्रयत्न करण्यात आला असा आरोप त्यांनी केला.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
