CCTV Video : वेगात कार आली अन् दुकानाला धडकली, ३ जणांचा जागीच मृत्यू, धक्कादायक घटना कॅमेऱ्यात कैद

Car Accident in Pratapgarh Leaves 3 Dead : उत्तर प्रदेशमधील प्रतापगड जिल्ह्यात एक भयंकर अपघात झाला आहे. एका वेगवान कारचे नियंत्रण सुटल्याने दुकानासमोर उभ्या असलेल्या अनेक लोकांना चिरडले. यामध्ये ३ जणांचा जागीच मृत्यू झाला, तर एकाची प्रकृती चिंताजनक आहे. दोन जणांना किरकोळ दुखापत झाली आहे. त्यांच्यावर रुग्णालयात दाखल करण्यात आले आहे. ही घटना सीसीटीव्ही कॅमेऱ्यात कैद झाली आहे. प्रयागराज-लखनौ मार्गावरील मानिकपूर येथे ही घटना घडली.

रस्त्याच्या बाजूला एका दुकानाजवळ काही लोक उभे होते. त्यावेळी अचानक एक कार वेगात आली अन् चिरडले. या घटनेत मधु प्रकाश सोनकर, अरविंद, शिल्पा यांचा जागीच मृत्यू झाला. अन्य जखमींवर रूग्णालयात उपचार सुरू आहेत. एकाची प्रकृती अतिशय चिंताजनक असल्याचे समजतेय. पोलिसांनी चालकावर गुन्हा दाखल केला. पोलिसाचा पुढील तपास सुरू आहे. या अपघाताचा सीसीटीव्ही व्हायरल झालेय.

अपघातामधील जखमींपैकी एकाची प्रकृती चिंताजनक आहे. ही संपूर्ण घटना सीसीटीव्हीत कैद झाली. अपघाताचा व्हिडिओ पाहून अनेकाजण हैराण झाले. स्थानिकांचे म्हणणे आहे की, या मार्गावर वेगवान वाहने सातत्याने अपघातांना कारणीभूत ठरतात. पण प्रशासनाने यावर ठोस पावले उचललेली नाहीत. दरम्यान, अपघाताची माहिती मिळताच मानिकपूर पोलीस ठाण्याचे पोलिस घटनास्थळी पोहोचले आणि तपास सुरू केला. अपघातानंतर पोलिसांनी कारचालकाला ताब्यात घेतले असून त्याची चौकशी सुरू आहे. स्थानिकांनी सांगितले की, अनेक लोक दुकानावर उभे होते, तेव्हा एक निळ्या रंगाची कार आली आणि अनेकांना चिरडले. यामुळे दुकानासमोर उभ्या असलेल्या तिघांचा मृत्यू झाला, तर एकाची प्रकृती गंभीर आहे. कारचा वेग खूप जास्त होता, ज्यामुळे दुकानाबाहेरील ताडपत्रीही उडाली.