Seema Haider: सीमा हैदरने तिरंगा फडकवत 'पाकिस्तान मुर्दाबाद'च्या घोषणा; व्हिडीओ होतोय व्हायरल

Seema Haider Raises Hindustan Zindabad Pakistan Murdabad slogans : पाकिस्तानातून भारतात पळून आलेल्या सीमा हैदरची चर्चा संपूर्ण जगभर होत आहे. सीमा तिच्या भारतीय प्रियकरासाठी पाकिस्तानातून इथे आली आहे. तिच्यावर अनेकांनी ती पाकिस्तानी एजंट असल्याचाही आरोप केला. अशातच पाकिस्तानच्या स्वांतत्र्यदिनी तिचा एक व्हिडीओ सोशल मीडियावर व्हायरल होत आहे.

सीमा हैदर आणि भारतातील सचिन मीना यांची पब जी खेळताना ओळख झाली. या ओळखीचं मैत्रित आणि मैत्रिचं प्रेमात रुपांतर झालं. सीमा प्रेमासाठी ४ मुलांसह भारतात आली. तिच्यावर आएसआय एजंट असल्याचे आरोपही होत आहे. अशातच स्वतंत्र दिनाच्या पार्श्वभूमीवर तिने 'पाकिस्तान मुर्दाबाद, हिंदुस्थान झिंदाबाद' अशा घोषणा दिल्या आहेत .

उद्या देशात स्वतंत्र दिन साजरा केला जाणार आहे. त्याच पार्श्वभूमीवर सीमा हैदर आणि तिचा नवरा सचिन मीनाने 'हर घर तिरंगा' या मोहिमेअंतर्गत ध्वजावंदन केले. सीमाने नोएडातील राहत्या घरात ध्वजावंदन केले आहे. सीमाचा हा व्हिडीओ सोशल मीडियावर व्हायरल होत आहे.

या व्हिडीओमध्ये ती तिच्या मुलांसोबत हिंदुस्थान जिंदाबादजच्या घोषणा दिल्या. तिने यावेळी तिरंग्याची साडी नेसली आहे. डोक्यावर 'जय माता दी' असं लिहलेली ओढणी बांधली आहे. तसंच हातात तिरंगा पकडून घोषणा देताना दिसत असते.

पाकिस्तानातून सीमा भारतात आली त्यावेळी काही लोकांनी कौतुक केले, तर काही लोकांनी तिला परत पाकिस्तानात पाठवण्याची मागणी केली आहे. सीमाला एका राजकीय पक्षाकडून ऑफर आल्याचीही चर्चा होत होती. तर आता सीमा आणि सचिनच्या लव्ह स्टोरीवर चित्रपटही बनवला जाणार आहे. परंतु याबाबत अजून कोणतीही ठोस माहिती समोर आली नाही.