Video : पाकिस्तानात भीषण बॉम्बस्फोट; पोलीस स्टेशनला केलं टार्गेट, काही जण जखमी

Pakistan Blast News : पाकिस्तानच्या बलूचिस्तान प्रांतातील क्वेटामध्ये पोलीस स्टेशनजवळ बॉम्बस्फोट झाल्याची घटना घडली आहे. रविवारी सायंकाळी पाच वाजता हा बॉम्बस्फोट झाला. या बॉम्बस्फोटमध्ये कमीत कमी पाच जण जखमी झाल्याची माहिती समोर आली आहे. (Latest Marathi News)

पाकिस्तानच्या क्वेटामध्ये बॉम्बब्लास्ट झाल्याची माहिती समोर आली आहे. या बॉम्बब्लास्टमध्ये कमीत कमी ५ जण जखमी झाले आहेत. या जखमींना उपचारासाठी जवळील रुग्णालयात दाखल करण्यात आले आहे. बॉम्बस्फोटाची माहिती मिळताच पोलीस आणि आपात्कालीन पथक घटनास्थळी पोहोचली आहे.

बॉम्बस्फोट हा सुरक्षा अधिकाऱ्यांवर करण्यात आला आहे . हा स्फोट एफसी मुसा चौकीजवळ झाला आहे. घटनेनंतर स्फोटाचा व्हिडिओ सोशल मीडियावर व्हायरल झाला आहे .

पेशावरमध्ये झाला होता स्फोट

पाकिस्तानमधील (Pakistan) पेशावरमध्ये काही दिवसांपूर्वी एका मशिदीत मोठा स्फोट झाला होता. या स्फोटात अनेक जण जखमी झाले होते. वृत्तानुसार, जवळपास ५० नागरिक जखमी झाले होते. पेशावर पोलीस लाइन्स परिसरातील मशिदीत हा स्फोट झाला होता. स्फोटामुळं भिंत कोसळली होती.

स्फोटानंतरच्या विदारक परिस्थितीचे फोटो, व्हिडिओ सोशल मीडियावर (Social Media) व्हायरल झाले होते. स्फोटानंतर मशिदीत एकच गोंधळ उडाल्याचे या व्हिडिओंमधून दिसून येत होतं.

पेशावरमध्ये 'त्या' स्फोटात झाला होता ५७ जणांचा मृत्यू

पेशावरच्या मशिदीत स्फोट होण्याची ही पहिलीच घटना नाही. याआधी मार्च २०२२ मध्ये मशिदीत मोठा स्फोट झाला होता. त्यात किमान ५७ नागरिकांचा मृत्यू झाला होता. तर जवळपास २०० जण जखमी झाले होते. नमाजावेळीच हा स्फोट झाला होता. मशिदीत मोठ्या संख्येने नागरिक नमाज पठणासाठी एकत्र आले होते. त्यावेळी हा स्फोट झाला होता.