आता ATM ने पैसे काढणं नवीन वर्षात महागणार, जाणून घ्या संपूर्ण माहिती

मुंबई : पुढील महिन्यापासून म्हणजेच नवीन वर्षापासून एटीएममधून पैसे काढणे आता महाग होणार आहे. १ जानेवारी २०२२ पासून ग्राहकांना मोफत एटीएम व्यवहार मर्यादा ओलांडण्याकरिता अधिक पैसे द्यावे लागणार आहे. जूनमध्ये, रिझर्व्ह बँक ऑफ इंडिया (RBI) ने बँकांना १ जानेवारी २०२२ पासून विनामूल्य मासिक मर्यादेपेक्षा जास्त रोख आणि नॉन- कॅश एटीएम व्यवहाराकरिता शुल्क वाढवण्याची परवानगी देण्यात आली आहे.

हे देखील पहा-

अॅक्सिस बँकेने सांगितले आहे की, “RBI मार्गदर्शक तत्त्वांनुसार, १-१-२०२२ पासून अॅक्सिस बँक किंवा इतर बँक एटीएम मधील विनामूल्य मर्यादेपेक्षा जास्त आर्थिक व्यवहार शुल्क + GST असे आकारु शकणार आहेत. पुढील महिन्यापासून म्हणजेच जानेवारी २०२२ पासून, ग्राहकांनी मोफत व्यवहारांची मासिक मर्यादा ओलांडल्याकरिता त्यांना प्रति व्यवहार ₹२० ऐवजी ₹२१ द्यावे लागणार आहेत.

RBI ने दिलेल्या माहितीनुसार की, "बँकांना जास्त इंटरचेंज चार्जेसची भरपाई आणि किमतीमध्ये सामान्य वाढ बघता, त्यांना ग्राहक शुल्क प्रति व्यवहार २१ रुपयांपर्यंत वाढवण्याची परवानगी आहे. ही वाढ १ जानेवारी २०२२ पासून लागू करण्यात येणार आहे. ग्राहक त्यांच्या स्वत:च्या बँकेच्या एटीएममधून दर महिन्याला ५ मोफत व्यवहाराकरिता आर्थिक आणि गैर-आर्थिक व्यवहारांसह पात्र राहणार आहेत.

Edited By- Digambar Jadhav