घटस्फोटाआधीच लिव्ह इन रिलेशनला पोलीस संरक्षण नाही राजस्थान उच्च न्यायालयाचा निकाल

राजस्थान : राजस्थान उच्च न्यायालयाने नुकतेच एका निकालात विवाहित महिला आणि तिचा प्रियकर यांना पोलीस संरक्षण नाकारले आहे. वास्तविक, ही महिला दुसऱ्या पुरुषासोबत लिव्ह-इन रिलेशनशिपमध्ये राहते. राजस्थानच्या झुंझुनू जिल्ह्यातील या ३० वर्षीय महिलेने आणि तिच्या २७ वर्षीय प्रियकराने एकत्रितरित्या दाखल केलेल्या याचिकेच्या माध्यमातून, काही नातेवाईकांकडून जीवास धोका असून जिवेमारण्याच्या धमक्या देखील देण्यात येत असल्याच्या सबबीखाली पोलिस संरक्षण मागितले होते.

हे देखील पहा -

कोर्टात सुनावणीदरम्यान याचिकाकर्त्यांच्या वकिलांनी युक्तिवाद करत म्हटले कि, दोघेही प्रौढ असून परंपर सहमतीने लिव्ह-इन-रिलेशनशिपमध्ये राहत आहेत. सदर महिला विवाहित आहे. मात्र, तिच्या पतीकडून अत्यंत क्रूर वागणूक आणि छळ या महिलेला होत असल्याने ती पतीपासून दूर राहत आहे.

राजस्थान उच्च न्यायालयाने इलाहाबाद उच्च न्यायालयाच्या अश्याच एका प्रकरणातील निर्णयाचा हवाला देत म्हटले कि, इलाहाबाद उच्च न्यायालयाने देखील एका प्रकरणात लिव्ह-इन रिलेशनशिपमध्ये राहणाऱ्या महिलेस संरक्षण देण्यास नकार दिला होता. या प्रकरणात देखील, सदर महिला आधीच विवाहित होती आणि दुसऱ्या पुरुषासोबत लिव्ह-इन-रिलेशनशिपमध्ये राहत होती, जे हिंदू विवाह कायद्याच्या तरतुदीच्या विरुद्ध आहे. न्यायालयाने म्हटले की, अशा लोकांचे संरक्षण करण्याचे आदेश देऊ शकत नाही, ज्यांनी दंड संहिता आणि हिंदू विवाह कायद्याचे उघडपणे उल्लंघन केले आहे.

Edited By : Krushnarav Sathe