Chines Company: विवाहबाह्य संबंध (Extramarital Affair) असणाऱ्यांना चीनमधील एका कंपनीने (Chinese Company) चांगलाच झटका दिला आहे. विवाहबाह्य संबंध असल्यास त्या कर्मचाऱ्याला थेट नोकरीवरुन काढून टाकण्यात येणार असल्याचे कंपनीने जाहीर केले आहे. या कंपनीकडून हा आश्चर्यकारक नियम लागू करण्यात आला आहे. सध्या जगभरात या कंपनीचीच चर्चा सुरु आहे.
चीनच्या झेजियांगमधील या कंपनीने आपल्या कर्मचाऱ्यांसाठी हा नियम लागू केले आहेत. या नियमानुसार एखाद्या कर्मचाऱ्याचे विवाहबाह्य संबंध असतील तर कंपनी ते सहन करणार नाही. कंपनीने एक मेमो जारी केला आहे, ज्यामध्ये असे म्हटले आहे की, जर कर्मचार्‍यांचे विवाहबाह्य संबंध असल्याचे आढळले तर त्यांना त्यांची नोकरी गमवावी लागेल. त्याचसोबत या कर्मचाऱ्याला ही कंपनी भविष्यात पुन्हा नोकरीची संधी देणार नाही.
जिमू न्यूजच्या वृत्तानुसार, या कंपनीने दिलेला हा इशारा सर्व विवाहित कर्मचाऱ्यांना लागू असणार आहे. कंपनीने नुकताच कर्मचारी नियमात हा आदेश पारित केला आहे. कंपनीचे व्यवस्थापन बळकट करण्यासाठी, कुटुंबाशी एकनिष्ठ राहण्यासाठी आणि पती-पत्नीमधील प्रेम वाढावे यासाठी या कंपनीकडून हा नियम लागू करण्यात आला आहे. त्याचसोबत, कुटुंबाचे अधिक चांगले संरक्षण करण्यासाठी, कामावर लक्ष केंद्रित करण्यासाठी आणि सर्व विवाहित कर्मचार्‍यांनी दृष्ट वर्तन करु नये यासाठी कंपनीकडून हा निर्णय घेण्यात आला आहे.
कंपनीने जारी केलेल्या या नियमांचे उल्लंघन करणार्‍या कर्मचार्‍यांना कठोर शिक्षा दिली जाणार आहे. त्याचसोबत त्यांना नोकरी गमवावी लागेल. कंपनीने कर्मचाऱ्यांना सांगितले की, 'नाही म्हणायला शिकावे लागेल, अनैतिक संबंधांना नाही म्हणा, कोणीही विवाहबाह्य संबंध ठेवू नका आणि घटस्फोट करु नका.'
या कंपनीने हे नियम तयार करण्यामागचे हेच कारण आहे की, लोकांनी त्यांचे कौटुंबिक मूल्य ओळखावे आणि त्यानुसार वागावे. कर्मचाऱ्यांनी आपल्या आयुष्यामध्ये चांगले वागावे अशी कंपनीची इच्छा आहे. साउथ चायना पोस्टच्या (SCMP) वृत्तानुसार, सरकारी तेल कंपनीत काम करणाऱ्या विवाहित वरिष्ठ अधिकाऱ्याला एका अनोळखी महिलेचा हात धरल्याप्रकरणी कामावरुन काढून टाकण्यात आले होते. त्याचे फोटो सोशल मीडियावर व्हायरल झाल्यानंतर त्याला नोकरीवरून काढून टाकण्यात आले होते.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.