मध्य प्रदेशातील उज्जैनमध्ये दुहेरी हत्याकांडाची घटना घडली आहे. चोरट्यांनी घरात घुसून भाजपचे ज्येष्ठ नेते आणि त्यांच्या पत्नीची हत्या केली आहे. पोलिसांनी शनिवारी सकाळी मृतदेह ताब्यात घेऊन शवविच्छेदनासाठी पाठवल्याची माहिती आहे. देवास रोडवरील पिपलोडा गावात राहणारे माजी सरपंच आणि भाजप नेते रामनिवास कुमावत आणि त्यांची पत्नी मुन्नीबाई यांची हत्या करण्यात आली आहे. उज्जैनच्या पोलीस अधीक्षकांनी तात्काळ घटनास्थळी पोहोचून पाहणी केली. प्राथमिक तपासानंतर दोन्ही हत्या दरोड्यातून झाल्याचा संशय पोलिसांनी व्यक्त केला आहे.
पोलिसांनी दिलेल्या माहितीनुसार, भाजप नेते रामनिवास कुमावत आणि त्यांची पत्नी मुन्नीबाई यांचे मृतदेह रक्ताने माखलेल्या अवस्थेत घरातील एका खोलीत सापडले आहेत. त्यांच्या मृतदेहांवर धारदार शस्त्राच्या खुणा होत्या. घरातील साहित्यही विखुरलेले आढळले. तसेच घरात लावलेले सीसीटीव्ही कॅमेरेही तुटलेले आढळून आले आहेत.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
रामनिवा आपल्या पत्नीसोबत गावातील त्याच्या वडिलोपार्जित घरात राहत होते. त्यांचा मुलगा देवास शहरात राहतो तर मुलीचं लग्न झालं आहे. दरम्यान ते रोज मॉर्निंग वॉकसाठी जात असत, मात्र आज ते न दिसल्याने गावात राहणाऱ्या त्यांच्या मेव्हण्याने घर गाठले आणि आत जाऊन पाहिल्यानंतर त्यांना धक्काच बसला. त्यांची बहीण आणि रामनिवास कुमावत रक्ताच्या थारोळ्यात पडल्याचे आढळले. त्यांनी तत्काळ पोलिसांना माहिती दिली. पोलीस आणि एफएसएल पथक घटनास्थळी पोहोचले असता तपासात दरोडा, लुटारू आणि खुनाचा संशय बळावला. ही घटना पहाटे तीन ते चारच्या दरम्यान घडली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
