भीषण रेल्वे अपघात! पेसेंजर ट्रेनचा डब्बा थेट मालगाडीवर, दुर्घटनेचे थरारक फोटो व्हायरल

छत्तीसगडमधील बिलासपूर जिल्ह्यातील एका मोठा रेल्वे अपघात घडलाय. मंगळवार संध्याकाळी जयराम नगर स्टेशनजवळ गेवरा रोड बिलासपूर (6873) मेमू लोकल ट्रेन आणि एका मालगाडीची समोरासमोर धडक झालीय. ही दुर्घटना गटोरा आणि बिलासपूर स्टेशनदरम्यान अप लाइनवर झाला.

हाती आलेल्या माहितीनुसार, या दुर्घटनेत ६ जणांचा मृत्यू झालाय तर २ ते ३ जण जखमी झालेत. जखमींना जवळील रुग्णालयात दाखल करण्यात आले आहे. घटनेची माहिती मिळताच रेल्वे प्रशासनाने बचाव आणि मदत कार्य सुरू केलं. घटनास्थळी वरिष्ठ रेल्वे अधिकारी आणि कर्मचारी पोहचले असून त्यांनी बचाव कार्य सुरू केलंय.

दक्षिण पूर्व मध्य रेल्वे (SECR) च्या अधिकाऱ्यांनी दिलेल्या माहितीनुसार, अपघातामुळे अप लाइनवरील रेल्वे वाहतूकीवर परिणाम झालाय. पूर्ण वाहतूक विस्कळीत झालीय. रेल्वे प्रशासनाने घटनास्थळी धाव घेत बचाव कार्य सुरू केलंय. जखमींना रुग्णालयात दाखल करण्यात आलंय. हा रेल्वे अपघात कशामुळे झाला याचे कारण शोधले जात आहे. घटनास्थळी मोठ्या संख्येने स्थानिक रहिवासी आणि बचाव पथके दाखल झाली आहेत.

गाटोरा आणि बिलासपूर स्थानकांदरम्यान दुपारी ४ वाजताच्या सुमारास हा अपघात घडल्याचे सांगितलं जात आहे. हा अपघात झाल तेव्हा संपूर्ण परिसर आवाजाने दणाणून गेला. मोठा आवाज झाल्यानंतर तेथील स्थानिक लोक घटनास्थळी गेले आणि त्यांनी बचाव कार्य सुरू केलं. दोन्ही रेल्वेंची समोरासमोर धडक झाली. धडकेनंतर प्रवासी रेल्वेचा एक डबा मालगाडीवर चढला. अनेकजण जखमी झालेत. बचाव पथकांनी त्यांना उपचारासाठी रुग्णालयात दाखल केलं.