लखनऊ : कॅब चालकाला भर रस्त्यात मारहाण करणाऱ्या लखनऊमधील तरुणीचा आणखी एक व्हिडीओ व्हायरल झालाय. हा व्हिडीओ जुना असून या व्हिडीओत ती तरुणी आपल्या शेजारच्यांशी भांडताना दिसत आहे. तिच्या शेजारच्यांनी त्यांच्या घराच्या गेटला काळा रंग दिला यावरुनच ही तरुणी त्यांच्याशी भांडत आहे. या व्हिडीओत तरुणीच्या भांडणामुळे आजूबाजूला गर्दी झाल्याचे दिसत आहे त्यामुळे पोलिसही याठिकाणी पोहोचले आहे. ते या तरुणीला समजवण्याचा प्रयत्न करत आहेत पण, ही तरुणी काहीही समजून घेण्याच्या मनःस्थितीत नसल्याचे दिसत आहे. (lucknow girl another video goes viral)
हे देखील पहा -
या भांडणाचे कारणही अजबच आहे. गेटच्या काळ्या रंगामुळे परिसरात आंतरराष्ट्रीय ड्रोन ईथे फिरतात असं या तरुणीचं म्हणणं आहे. त्यामुळे घराच्या गेटला काळा रंग देणं बरोबर आहे का? असा प्रश्न ही तरुणी विचारत आहे. तिच्या या प्रश्नामुळे आजूबाजूचे लोकही तिला हसत असल्याचे व्हिडीओत दिसत आहे. तिचा हा नवा व्हिडीओ प्रचंड व्हायरल होत असून ही तरुणी पुन्हा ट्रोल होत आहे.
लखनऊच्या या तरुणीचे नाव प्रियदर्शनी यादव असून तिने काही दिवसांपुर्वी एका कॅब चालकाला भर रस्त्यात मारहाण केली होती. हा व्हिडीओ समोर आल्यानंतर प्रचंड व्हायरल झाला होता. अनेकांनी या तरुणीवर कायदेशीर कारवाई करण्याची मागणी केली होती. तर अनेकांनी तिला उद्धट आणि फेक फेमिनिस्टही म्हटले होते. आता पुन्हा समोर आलेल्या या व्हिडीओने तिची थट्टा होत असून ती चांगलीच ट्रोल होतेय.
Edited By - Akshay Baisane
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.