Jagarnath Mahato Death: झारखंडचा 'वाघ' गेला! शिक्षणमंत्री जगरनाथ महतो यांचं निधन, अधिवेशनादरम्यान अचानक बिघडली होती तब्येत

Jharkhand News: झारखंडचे शिक्षणमंत्री जगरनाथ महतो यांचं निधन झालं आहेत. त्यांच्यावर गेल्या काही दिवसांपासून त्यांच्यावर रुग्णालयात उपचार सुरु होते. विधानसभा अर्थसंकल्पीय अधिवेशनादरम्यान त्यांची तब्येत अचानक बिघडली आहे. त्यावेळी त्यांना तातडीने एअरलिफ्ट करत चेन्नई येथील रुग्णालयात दाखल करण्यात आलं होतं. मात्र आज त्यांची प्राणज्योत मालवली.

झारखंडचे मुख्यमंत्री हेमंत सोरेन यांनी आपल्या ऑफिशियल ट्विटर हँडलवरुन ट्वीट करत याबाबत माहिती दिली. त्यांनी आपल्या ट्वीटमध्ये लिहिलं की, आमचा वाघ जगरनाथ नाही राहिला! आज झारखंडने आपला महान आंदोलनकर्ता, एक लढवय्या, कष्टाळू आणि लोकप्रिय नेता गमावला. आदरणीय जगरनाथ महतोजी यांचे चेन्नई येथे उपचारादरम्यान निधन झाले. ईश्वर दिवंगत आत्म्याला शांती देवो आणि शोकाकुल परिवाराला या दु:खाच्या वेळी सहनशक्ती देवो. (Latest News Update)

गेल्या महिन्यात 14 मार्च रोजी विधानसभा अधिवेशनादरम्यान त्यांची तब्येत बिघडली होती. त्यावेळी हेमंत सोरेन यांच्या सल्ल्यानुसार त्यांना तातडीने एअरलिफ्ट करुन चेन्नई येथे आणण्यात आलं होतं. तिथे त्यांच्यावर मागील 22 दिवसांपासून उपचार सुरु आहे. मात्र आज त्यांचं निधन झालं. (Political News)

टायगर म्हणून ओळख

जगरनाथ महतो यांचं लंग्स ट्रान्सप्लान्ट करण्यात आलं होतं. मात्र त्यांनतर त्यांची प्रकृती आणखीच बिघडली आणि आज त्यांनी अखेरचा श्वास घेतला. जगरनाथ डुमरी विधानसभा क्षेत्रातील आमदार होते. झारखंड मुक्ती मोर्चाचे महत्वाचे नेते होते. पक्षात त्यांना टायगर म्हणूनही ओळखलं जात असे.