CJPच्या टार्गेटवर आता अमित शाह, विदेशी फंडिंगच्या मुद्यावरून राजीनाम्याची मागणी

नीट पेपरफुटीप्रकरणी क्रॉकोच जनता पार्टीनं विद्यार्थ्यांचं जनआंदोलन उभारून शिक्षणमंत्री धर्मेंद्र प्रधानांचा राजीनामा घेतलाच....मात्र CJPनं आता सरकारविरोधात दुसरा लढा उभारण्याची तयारी सुरू केलीय. त्याला कारण ठरलंय विदेशी फंडिगचा मुद्दा. सीजेपीच्या आंदोलनाला विदेशी फडिंग मिळत असल्याचा आरोप सत्ताधारी नेत्यांनी केला...आता याचं आरोपावरून CJPच्या अभिजित दिपकेंनी केंद्रीय गृहमंत्री अमित शाहांना घेरण्याची रणनिती आखलीय...आधीच पॅलेट गनच्या मुद्यावरून लोकसभेचे विरोधी पक्षनेते राहुल गांधींनी अमित शाहांच्या राजीनाम्याची मागणी केलीय...अशातच CJPला विदेशी फंडिग मिळत असेल तर ते रोखण्यात गृहमंत्र्यांचं अपय़श आहे, त्यामुळे त्यांना राजीनामा द्यावा अशी मागणी दिपकेंनी केलीय... तर दिपके प्रसिद्धीच्या झोतात येण्यासाठी मोठ्या लोकांची नावं घेत असल्याची टीका भाजपनं केलीय...

तर यात विरोधकांनीही आता पुलवामा आणि पेहलगामच्या दहशतवादी हल्ल्यांवरून अमित शाहांवर निशाणा साधलाय. दुसरीकडे GEN Z नं आता शेतकरी मोर्चाला गरज पडली तर पाठिंबा देण्याचीही तयारी दर्शवलीय. त्यामुळे शेतकरी मोर्चाच्या माध्यामातूनही CJP केंद्र सरकारविरोधात सक्रीय राहणार असल्याची चिन्ह आहेत...

सीजेपीनं आता वेगवेगळ्या मुद्यांवरून राजकीय सक्रीयता दाखवण्याची तयारी चालवली आहे. त्यामुळे पॅलेट गनच्या मुद्यासोबतच विदेशी फंडिंगच्या मुद्यावरून अमित शाहांच्या राजीनाम्याचा मुद्या तापवण्य़ात सीजेपी किती यश येणार? आणि जेन झी पुन्हा रस्त्यावर उतरणार का? याबाबत उत्सुकता लागलीय.