विद्यार्थ्यांना आता सरकार लॅपटॉप देणार आहे. तेही मोफत. असा मेसेज व्हायरल होतोय. कारण, आता कॉलेज सुरू झालीयत. त्यामुळे खरंच आता विद्यार्थ्यांना सरकार मोफत लॅपटॉप देणार आहे का? कारण, सध्याचे युग हे इंटरनेटचं युग आहे. त्यामुळे मोबाईल, लॅपटॉप या आता गरजेच्या वस्तू बनल्या आहेत. विद्यार्थ्यांना हे मोफत लॅपटॉप कसे दिले जाणार आहेत? सरकारची अशी कोणती योजना आहे? याची सत्यता जाणून घेणं गरजेचं आहे. त्यामुळे आम्ही याची पडताळणी सुरू केली. त्याआधी मेसेजमध्ये काय दावा केलाय पाहुयात.
केंद्र सरकारकडून विद्यार्थ्यांना मोफत लॅपटॉप दिले जाणार आहेत. डिजिटायझेशनला प्रोत्साहन देण्यासाठी केंद्राकडून ही योजना आणण्यात आली आहे. मोफत लॅपटॉपसाठी विद्यार्थ्यांना ऑनलाईन अर्ज करता येईल. हा मेसेज व्हायरल होत असून त्यासोबत लिंकही देण्यात आलीय. या मेसेजची सत्यता जाणून घेण्यासाठी आमच्या व्हायरल सत्य टीमने पडताळणी सुरू केली. विद्यार्थ्यांना लॅपटॉप मिळणार असेल तर तो कसा मिळणार? त्यासाठी अर्ज कुठे करायचा? हे सांगणं गरजेचं आहे. आमच्या टीमने सरकारकडून माहिती मिळवली. तसंच पीआयबी सर्चही केला त्यावेळी काय सत्य समोर आलं पाहुयात.
विद्यार्थ्यांसाठी केंद्राची लॅपटॉप वाटपाची कोणतीही योजना नाही
सरकार विद्यार्थ्यांना लॅपटॉप देणार हा दावा खोटा
मेसेज पाहून त्यावर लगेच विश्वास ठेवू नका
योजनेसाठी कोणत्याही लिंकवर क्लिक करू नका
हा मेसेज विद्यार्थ्यांची दिशाभूल करण्यासाठी व्हायरल केला जातोय. अर्ज भरण्यासाठी लिंकही पाठवल्या जातात. त्यामुळे लिंकवरही क्लिक करू नका, फसवणूक करणारे असे मेसेज व्हायरल करत असतात.आमच्या पडताळणीत विद्यार्थ्यांना सरकार मोफत लॅपटॉप देणार असल्याचा दावा असत्य ठरलाय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.