Amanatullah Khan Arrested: 'आप'ला आणखी एक झटका; आमदार अमानतुल्ला खान यांना ED कडून अटक

AAP MLA : अमानतुल्ला खान यांना वक्फ बोर्ड नियुक्ती घोटाळ्यासंदर्भात चौकशीसाठी बोलावण्यात आले होते. पुरेसा पुरावा असेल तेव्हाच अटक करावी, असे न्यायालयाने गेल्या सुनावणीत म्हटले होते.
AAP Mla Amanatullah Khan Arrested
AAP Mla Amanatullah Khan Arrested ANI

(प्रमोद जगताप, नवी दिल्ली)

AAP Mla Amanatullah Khan Arrested :

आम आदमी पक्षाचे ओखला येथील आमदार अमानतुल्ला खान यांना ईडीने अटक केलीय. वक्फ बोर्ड नियुक्ती घोटाळ्याप्रकरणी त्यांना पीएमएलए अंतर्गत अटक करण्यात आली. या घोटळ्याप्रकरणी ईडीने त्यांची सुमारे ९ तास चौकशी केली. त्यानंतर ईडीने अमानतुल्ला खान यांना अटक केलीय. सर्वोच्च न्यायालयाच्या आदेशानंतर गुरुवारी (18 एप्रिल) आमदार अमानतुल्ला खान चौकशीसाठी ईडीसमोर हजर झाले होते.

आम आदमी पक्षाचे नेते आणि आमदार अमानतुल्ला खान यांच्यावर दिल्ली वक्फ बोर्डाच्या अध्यक्षपदी ३२ जणांची बेकायदेशीरपणे भरती केल्याचा आरोप आहे. यासोबतच त्यांनी दिल्ली वक्फ बोर्डाच्या अनेक मालमत्ता बेकायदेशीरपणे भाड्याने दिल्यात. तसेच अमानतुल्ला यांनी दिल्ली वक्फ बोर्डाच्या निधीचा गैरवापर केलाय असाही आरोप त्यांच्यावर आहे. याप्रकरणी दिल्ली वक्फ बोर्डाच्या तत्कालीन सीईओंनी या बेकायदेशीर भरतीविरोधात निवेदन जारी केले होतं.

या प्रकरणी लाचलुचपत प्रतिबंधक विभागाने (ACB) सप्टेंबर २०२२ मध्ये अमानतुल्ला खान यांची चौकशी केली गेली होती. याआधारे एसीबीने चार ठिकाणी छापे टाकले, तेथून सुमारे २४ लाखांची रोकड जप्त करण्यात आली होती. याशिवाय दोन बेकायदेशीर व विना परवाना पिस्तूल, काडतुसे आणि दारूगोळा जप्त करण्यात आला होता.

यानंतर अमानतुल्लाविरुद्ध पुराव्याच्या आधारे आणि आक्षेपार्ह साहित्य सापडल्याने त्यांना अटक करण्यात आली. नंतर २८ डिसेंबर २०२२ रोजी त्यांची जामिनावर सुटका करण्यात आली. दरम्यान आम आदमी पक्षाचे आमदार अमानतुल्ला खान यांच्या अटकेनंतर पक्षाचे राज्यसभा खासदार संजय सिंह आणि दिल्ली सरकारचे मंत्री आतिशी त्यांच्या घरी गेलेत. याआधी सोमवारी सर्वोच्च न्यायालयाने आम आदमी पक्षाचे नेते अमानतुल्ला खान यांना वक्फ बोर्डातील कथित अनियमिततेशी संबंधित मनी लाँड्रिंग प्रकरणात अटकपूर्व जामीन देण्यास नकार दिला होता.

न्यायमूर्ती संजीव खन्ना आणि न्यायमूर्ती दीपंकर दत्ता यांच्या खंडपीठाने अमानतुल्ला खान यांच्याविरुद्ध पुरेसे पुरावे असल्याशिवाय त्यांना अटक करू नये, असे म्हटले होतं. "पुरावे असतील तरच तुम्ही त्याला (अमानतुल्ला खान) अटक करा. तुम्हाला पीएमएलएच्या कलम १९ चे पालन करावे. अटक करण्याच्या अधिकाराला हलक्या घेऊ नका, असं खंडपीठाने ईडीच्या वकिलांना सांगितले होते.

AAP Mla Amanatullah Khan Arrested
Delhi Liquor Policy: 'आप' च्या अडचणी काही सुटेनात! मनीष सिसोदिया यांच्या न्यायालयीन कोठडीत २६ एप्रिलपर्यंत वाढ

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com