Karnataka CM : सीमावाद उकरुन काढणारे मुख्यमंत्री बोम्मई अडचणीत? CM पदावरुन हटवण्याची शक्यता

बंगळुरु : गेल्या काही दिवसांपासून महाराष्ट्राबाबत गरळ ओकणार कर्नाटकचे मुख्यमंत्री बदलले जाणार असल्याची चर्चा आहे. दिल्लीत सुरू असणाऱ्या भाजप राष्ट्रीय कार्यकारिणीदरम्यान पंतप्रधान नरेंद्र मोदी आणि माजी मुख्यमंत्री बी एस येडियुरप्पा यांच्यात झालेल्या चर्चेनंतर या चर्चांना उधाण आलं आहे.

लिंगायत समुदायाचा पाठिंबा असलेल्या येडीयूराप्पा आगामी निवडणुकीत मुख्य भूमिकेत असणार आहेत. ॲंटी इन्कम्बसी टाळण्यासाठी कर्नाटकचे मुख्यमंत्री बस्वराज बोम्मई यांची गच्छंती होणार असल्याचं बोललं जात आहे. (Latest Marathi News)

कर्नाटकात मे महिन्यात निवडणुका होणार आहेत. निवडणुका जसजशा जवळ येत आहेत, तसे येडियुरप्पा यांचे पक्षातील महत्त्व वाढत आहे. ते पक्षाच्या संसदीय मंडळावरही आहेत. लिंगायत समाजाचा पाठिंबा त्यांच्या पाठीशी आहे.

कर्नाटकात पक्ष पुन्हा येडियुरप्पा यांना आपला चेहरा बनवू शकतो. दुसरीकडे कर्नाटकचे मुख्यमंत्री बसवराज बोम्मई हे महाराष्ट्रासोबतच्या सीमावादात अडकले आहेत.