हरियाणातील महेंद्रगढचे भाजप खासदार धर्मबीर सिंह यांनी संसदेत लिव्ह इन रिलेशनशीपवर भाष्य केलं आहे. लिव्ह इन रिलेशनशीप म्हणजे एक भयंकर आजार असल्याचं त्यांनी म्हटलं असून या वक्तव्यामुळे ते वादात सापडण्याची शक्यता आहे. हा एक भयंकर आजार असून त्याला समाजातून संपवून टाकलं पाहिजे. या आजाराविरोधात केंद्राने कायदा करण्याची गरज आहे. भारतीय संस्कृती वसुधैव कुटुंबकम आणि बंधुत्वाच्या तत्वज्ञानासाठी ओळखली जाते. त्यामुळे अशा संबंधांसाठी मुला -मुलीच्या आई वडिलांची परवानगी अनिवार्य करावी, अशी मागणी त्यांनी लोकसभेत शून्य प्रहरावेळी केली आहे.
भारतातील विवाह संस्कृती आणि कुटुंब व्यवस्थेवर बोलताना ते म्हणाले, प्रेम विवाहात घटस्फोटाचे प्रमाण अधिक आहे. भारतीय संस्कृती जगातील इतर संस्कृतींपेक्षा वेगळी आहे. संपूर्ण जग भारताच्या विविधतेतील एकतेमुळे प्रभावित आहे. समाजातील एक मोठा वर्ग आजही पालक आणि नातेवाईकांच्या संमतीने ठरवलेल्या लग्नाला प्राधान्य देतो. यामध्ये वधू वरांची संमती असते. सामाजिक, वैयक्तिक मूल्ये तसेच कौटुंबिक पार्श्वभूमी यासारख्या सामान्य गोष्टी विवाहामध्ये विचारात घेतल्या जातात.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
लग्न एक पवित्र नाते मानले जाते ते सात पिढ्या टिकते. मात्र प्रेम विवाहामध्ये याचे प्रमाण मोठे आहे. भारतात घटस्फोटाचे प्रमाण १.१ टक्के आहेत तर तेच प्रमाण अमेरिकेत ४० टक्के आहे. पालकांच्या संमतीने केलेल्या लग्नामध्ये घटस्फोटाचे प्रमाण खूपच कमी आहे. मात्र अलिकडे वाढलेल्या प्रेम विवाहामुळे यात लक्षणीय वाढ झाली आहे. त्यामुळे सरकारने प्रेमविवाहासाठी पालकांची संमती अनिवार्य करावी अशी मागणी त्यांनी केली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
