Shocking: अपंग वडिलांसोबत स्टेशनवर, थोडक्यात ट्रेन सुटली; पहाटे पाणी आणायला गेली अन् नराधमांकडून सामुहिक बलात्कार

उत्तर प्रेदशातून एक संतापजनक घटना समोर येत आहे. अपंग वडिलांना उपचारानंतर पुन्हा घरी घेऊन येत असताना एका तरूणीवर सामूहिक बलात्कार करण्यात आला आहे. ही धक्कादायक घटना गोपालगंजमधील कुचायकोट पोलीस ठाण्याच्या हद्दीत घडली आहे. या प्रकरणाची माहिती पोलिसांना मिळाल्यानंतर त्यांनी तातडीने आरोपींचा शोध घेण्यास सुरूवात केली. एकाला अटक करण्यात आली असून, इतर दोन आरोपींचा शोध सुरू आहे.

नेमकं प्रकरण काय?

तरूणी आपल्या अपंग वडिलांना घेऊन श्यामपूरला पोहोचली. डॉक्टरांकडून उपचार घेतल्यानंतर रविवारी घरी परतण्यासाठी रात्री सासामुसा स्टेशनवर पोहोचली. मात्र, ट्रेन सुटल्यामुळे तरूणी आपल्या वडिलांसोबत तिथेच राहिली. सोमवारी पहाटे ४ वाजताच्या सुमारास तरूणी रेल्वे स्टेशनवरील हँडपंपावरून पाणी भरण्यासाठी गेली. मात्र, त्या ठिकणी अचानक ३ जणांनी तिची वाट अडवली. तसेच तरूणीचा गळा दाबला आणि जबरदस्तीने तिला एका निर्जनस्थळी नेले आणि तिच्यावर सामूहिक बलात्कार केला.

सामूहिक बलात्काराच्या घटनेनंतर तिन्ही आरोपींनी तेथून पळ काढला. त्यानंतर मुलगी जोरजोरात रडू लागली. त्यानंतर परिसरातील नागरिकांनी त्या निर्जनस्थळी धाव घेतली, तसेच तरूणीला पोलीस ठाण्यात नेले. पोलिसांनी तरूणीने दाखल केलेली तक्रार नोंदवून घेतली. त्यानंतर पोलीस घटनास्थळी पोहोचले. त्यांनी एका आरोपीला अटक केली असून, इतर आरोपींचा शोध पोलीस घेत आहेत.

पोलिसांनी तातडीने पीडितेला उपचार आणि वैद्यकीय तपासणीसाठी स्थानिक रूग्णालयात दाखल केले. या घटनेनंतर परिसरातील नागरिकांनी संताप व्यक्त केला आहे. तसेच आरोपींना कठोरात कठोर शिक्षा झाली पाहिजे, अशी मागणी केली.