भाजपच्या वरिष्ठ नेत्यावर दिवसाढवळ्या गोळीबार; छातीत घुसली गोळी, संशयाची सुई कुणाकडे?

BJP leader Shot at Broad day light: दिवसाढवळ्या अज्ञात हल्लेखोरांनी भारतीय जनता पक्षाच्या एका वरिष्ठ नेत्यावर गोळीबार केला. सीसीटीव्हीतून पोलीस तपास सुरू.
BJP leader Shot at Broad day light
BJP leader Shot at Broad day lightSaam Tv
Published On

बिहारच्या खगडिया जिल्ह्यातून एक धक्कादायक बातमी समोर येत आहे. दिवसाढवळ्या अज्ञात हल्लेखोरांनी भारतीय जनता पक्षाच्या एका वरिष्ठ नेत्यावर गोळ्या झाडल्या. पोलिसांनी दिलेल्या माहितीनुसार, ही घटना गंगौर पोलीस स्टेशन परिसरात झाला असल्याची माहिती आहे. या घटनेनंतर त्यांना तातडीने रूग्णालयात दाखल करण्यात आले असून, त्यांची प्रकृती चिंताजनक असल्याची माहिती आहे. हा हल्ला नेमका कुणी केला? याचा तपास पोलिसांकडून सुरू आहे.

दिलीप कुमार असे भाजपच्या वरिष्ठ नेत्याचे नाव आहे. प्राथमिक माहितीनुसार, दिलीप कुमार हे सध्या मंडल कार्यकारिणीचे सदस्या आहेत. स्थानिक राजकीय आणि सामाजिक वर्तुळात त्यांचं मोठं नाव आहे. भाजप नेत्यावर दिवसाढवळ्या गोळीबार करण्यात आला. या हल्ल्यानंतर पक्षाच्या कार्यकर्त्यांना धक्का बसला. परिसरातही भीतीचे वातावरण आहे.

BJP leader Shot at Broad day light
पुण्यात चाललंय काय? भाजप नेत्याकडून तरुणाला बेदम मारहाण, कारमधून बाहेर खेचलं; नंतर...

दिलीप कुमार यांच्या पत्नीनं सांगितले की, 'मला त्यांचा फोन आला होता. त्यांच्यावर गोळीबार झाला असल्याची माहिती मिळाली', या घटनेनंतर कुटुंबातील सदस्य़ांनी तातडीने रूग्णालयात धाव घेतली. गंगौर पोलीस स्टेशनचे प्रभारी सुंदर पासवान म्हणाले की, 'दिलीप कुमार यांच्यावर उपचार करणे सध्या सर्वात महत्वाची गोष्ट आहे. त्यांची प्रकृती स्थिर झाल्यानंतर लेखी तक्रार नोंदवली जाईल. हल्लेखोराचा तपास पोलिसांकडून सुरू आहे', अशी माहिती पोलिसांनी दिली.

BJP leader Shot at Broad day light
लग्नसराईत सोन्यानं भाव खाल्ला, सोन्यासह चांदीही महागली, १ तोळा सोन्याचा दर किती?

'आरोपीला ओळखण्यासाठी परिसरातील सीसीटीव्ही फुटेज तपासले जात आहे. दिलीप कुमार यांच्यावर हल्ला का करण्यात आला? गोळीबार करण्यामागचं कारण काय? आरोपी आणि दिलीप यांचं काही वैर होते का? याचा तपास पोलिसांकडून सुरू आहे', अशी देखील माहिती पोलीस पासवान यांनी दिली.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com