Bhima Koregaon Case : भीमा कोरेगाव हिंसाचार प्रकरण; व्हर्नन गोन्साल्विस आणि अरुण फरेरा यांना सुप्रीम कोर्टाकडून जामीन मंजूर

New Delhi : भीमा कोरेगाव हिंसाचार संबंधित एल्गार परिषद प्रकरणात आरोपी व्हर्नन गोन्साल्विस आणि अरुण फरेरा यांना मोठा दिलासा मिळाला आहे. दोन्ही आरोपींना सुप्रीम कोर्टाने आजा जामीन मंजूर केला आहे. दोघेही मागीप ५ वर्षांपासून कोठडीत आहेत.

जामीन मंजूर करताना दोघांचेही पासपोर्ट जप्त केले जाणार आहेत. तसेच दोघेही एनआयए अधिकार्‍यांच्या संपर्कात राहतील. व्हर्नन गोन्साल्विस आणि अरुण फरेरा यांच्यावर UAPA अंतर्गत गुन्हा दाखल करण्यात आला आहे. (Latest Marathi News)

गोन्साल्विस आणि फरेरा यांना महाराष्ट्रातून बाहेर जाता येणार नाही, असे निर्देश न्यायमूर्ती अनिरुद्ध बोस आणि न्यायमूर्ती सुधांशू धुलिया यांच्या खंडपीठाने दिले. दोघेही प्रत्येकी एक मोबाईल वापरतील आणि त्यांचा पत्ता तपास करणाऱ्या एनआयएला सांगतील.

गोन्साल्विस आणि फरेरा हे 2018 पासून मुंबईच्या तळोजा कारागृहात बंद आहेत. या दोघांचा जामीन अर्ज मुंबई उच्च न्यायालयाने फेटाळला होता. त्याविरोधात गोन्साल्विस आणि फरेरा यांनी सर्वोच्च  न्यायालयात धाव घेतली. यावर शुक्रवारी 28 जुलै न्यायमूर्ती अनिरुद्ध बोस आणि न्यायमूर्ती सुधांशू धुलिया यांच्या खंडपीठाने दोघांनाही जामीन मंजूर केला आहे.