VIDEO: ट्रकनं आधी आजोबांना चिरडलं, नातवाला 3 किमी फरफटत नेलं, अपघाताचा थरारक व्हिडीओ

Accident News : उत्तर प्रदेशच्या महोबा शहरात एका विचित्र अपघातात आजोबा आणि नातवाचा मृत्यू झाला आहे. महोबा शहरातील कोतवाली भागात एचपी पेट्रोल पंपासमोर हा भीषण अपघात झाला आहे. अपघाताचा एक थरारक व्हिडीओ समोर आला आहे.

ट्रकने स्कूटील धडक देत आजोबांना चिरडलं. त्यानंतर ट्रकचालकाने स्कूटीमध्ये अडकलेल्या निष्पाप मुलाला तब्बल 3 किलोमीटरपर्यंत खेचत नेले. पोलिसांनी याप्रकरणी गुन्हा दाखल करून पुढील कारवाई सुरू केली आहे.

मिळालेल्या माहितीनुसार, उदित नारायण (वय 67 वर्ष) आणि सात्विक (वय 6 वर्ष) असं आजोबा नातवाचं नाव आहे. सात्विक आजोबांसोबत घराबाहेर पार्क केलेल्या स्कूटीवर बसला होता. दरम्यान भरधाव वेगाने येणाऱ्या डंपर ट्रक चालकाने दोघांनाही जोरदार धडक दिली. यादरम्यान डंपर चालकाने स्कूटीवर बसलेला नातू सात्विक याला बेदरकारपणे महामार्गावर सुमारे ३ किलोमीटरपर्यंत फरपटत नेलं. (Latest News Update)

अपघातात उदितचा यांचा जागीच मृत्यू झाला, तर सात्विक आणि दुचाकी जवळपास दोन किलोमीटरपर्यंत फरपटत नेली. कानपूर-सागर हायवे NH86वर ही दुर्घटना घडली आहे. या घटनेचा एक व्हिडिओ सोशल मीडियावर व्हायरल झाला आहे.

एका व्हिडिओमध्ये अनेक दुचाकीस्वार ट्रकजवळ चालकाला सावध करण्याचा प्रयत्न करताना दिसत आहेत. रस्त्यावरून जाणाऱ्यांनी दगड फेकल्यानंतर ट्रक अखेर थांबला. त्यानंतर स्थानिक लोकांनी ट्रक चालकाला बेदम मारहाण केली.