Coronavirus Cases Today: देशात 24 तासात 3 लाख नवे रुग्ण; 491 मृत्यू

वृत्तसंस्था: देशात (India) परत एकदा कोरोना (Corona) रुग्णांची विक्रमी नोंद झाली आहे. बुधवारी दिवसभरामध्ये ३ लाखांहून अधिक रुग्ण आढळून आले आहेत. मागील २४ तासामध्ये ३ लाख १७ हजार ५३२ रुग्ण सापडले आहेत. देशात मागील वर्षी १५ मे रोजी ३ लाखांहून जास्त रुग्णांची नोंद झाली होती. तिसऱ्या लाटेत २९ डिसेंबरला १० हजार रुग्ण सापडले होते. त्यानंतर फक्त २३ दिवसामधेच रुग्णसंख्या ३ लाखांवर येऊन पोहोचली आहे. मागील वर्षी एका दिवसात ३ लाख रुग्णांची नोंद ६० दिवसांनी झाली होती.

हे देखील पहा-

मागील २४ तासात देशात २ लाख २३ हजार ९९० जण कोरोनामुक्त होऊन घरी परतले आहेत. सध्या देशामध्ये १९ लाख २४ हजार ५१ जण कोरोनावर उपचार घेत आहेत. दैनंदिन पॉझिटिव्हिटी रेट हा १६.४१ टक्के इतका आहे. तर ओमिक्रॉन (Omicron) रुग्णांची संख्या ९ हजार २८७ इतकी आहे. कालच्या रुग्णसंख्येच्या तुलनेत ओमिक्रॉन संख्येत ३.६३ टक्के इतकी वाढ झाली.

बुधवारी दिवसभरामध्ये देशात ४९१ जणांचा कोरोनामुळे मृत्यू झाला आहे. तर मंगळवारी ३५७ जणांनी प्राण गमावले होते. देशामध्ये कोरोना चाचण्या तातडीने वाढवण्याचे आदेश केंद्राने राज्यांना दिले आहेत. आतापर्यंत देशात ७० कोटी ९३ लाख ५६ हजार ८३० टेस्ट झाल्या आहेत. तर बुधवारी दिवसभरात १९ लाख ३५ हजार १८० चाचण्या झाल्याची माहिती आरोग्य मंत्रालयाने दिली आहे.

कोरोनाचा सर्वाधिक फटका अमेरिकेला मोठ्या प्रमाणात बसला आहे. त्यानंतर दुसऱ्या क्रमांकावर भारत आहे. जानेवारीत भारत आणि अमेरिके शिवाय अर्जेंटिना हा एकमेव देश होता ज्या ठिकाणी एका दिवसात १ लाख रुग्ण आढळले होते. अमेरिका, रशिया, कॅनडा, मेक्सिको आणि पॉलंड या देशांच्या तुलनेत भारत देशाचा मृत्यूदर कमी आहे.

Edited By- Digambar Jadhav