पुन्हा वाढतोय धोका! देशात गेल्या 24 तासांत 2,927 नवे कोरोनाबाधित, 32 मृत्यू

वृत्तसंस्था: देशात कोरोनाचा संसर्ग सध्या मोठ्या प्रमाणात वाढताना पाहायला मिळत आहे. देशात गेल्या २४ तासांत २९२७ नवीन कोरोना रुग्णांची नोंद झाली आहे, तर ३२ रुग्णांचा मृत्यू झाला आहे. तसेच मंगळवारी दिवसभरात २२५१ रुग्णांनी कोरोनावर (corona) मात केली आहे. देशात सक्रिय रुग्णांची संख्या १६ हजार २७९ झाली आहे. काल २४८३ नवीन रुग्णांची नोंद झाली आहे. (Corona News Updates)

हे देखील पाहा-

केंद्रीय आरोग्य मंत्रालयाने जारी केलेल्या आकडेवारीनुसार, देशात सक्रिय रुग्णांची संख्या १६ हजार २७९ इतकी झाली आहे. मंगळवारी दिवसभरामध्ये देशात २२५१ रुग्ण कोरोनामुक्त (corona) झाले आहेत. भारतात कोरोनामुळे जीव गमावणाऱ्यांची संख्या ५ लाख २३ हजार ६५४ इतकी झाली आहे. देशामध्ये आतापर्यंत ४ कोटी २५ लाख २५ हजार ५६३ रुग्ण कोरोना (corona) विषाणूच्या संसर्गातून बरे झाले आहेत.

याबरोबरच देशात सध्याचा दैनंदिन कोरोना संसर्गाचा दर ०.०४ टक्क्यांवर पोहोचला आहे. आतापर्यंत देशव्यापी लसीकरणात १८८ कोटीपेक्षा जास्त कोरोना प्रतिबंधात्मक लसी देण्यात आल्या आहेत. मंगळवारी दिवसभरात देशात २१ लाख ९७ हजार ८२ कोरोना लसी देण्यात आल्या आहेत. भारतात आतापर्यंत १८८ कोटी १९ लाख ४० हजार ९७१ कोरोनाच्या लसी देण्यात आल्या आहेत.

Edited By- Digambar Jadhav