वसईमध्ये एक धक्कादायक घटना घडली आहे. लिव्ह इन रिलेशनशिपमध्ये असलेल्या एका तरुणीची निर्घृण हत्या करण्यात आलीये. हत्या करून तरुणीचा मृतदेह वापी नदीमध्ये फेकण्यात आला आहे. सदर घटनेची माहिती पोलिसांना कळताच पोलिसांनी तपासात दोघांना अटक केलीये. (Latest Crime News)
मिळालेल्या अधिक माहितीनुसार, आरोपी वसईचा राहणारा असून तो विवाहित आहे. तसेच तो फिल्म इंडस्ट्रीमध्ये कॉस्टयूम डिझाईनचं काम करतो. याच ठिकाणी मृत तरुणी मेकअप आर्टिस्ट म्हणून काम करायची. ती सनटेक येथील रहिवासी होती. मयत २८ वर्षीय तरुणी आणि आरोपीमध्ये गेल्या ५ वर्षांपासून प्रेमसंबंध होते. ते लिव्ह इन रिलेशनशिपमध्ये राहत होते.
काही दिवसांनी त्यांच्या नात्याबद्दल तरुणाच्या पत्नीला समजले. पत्नीला समजल्यावर तरुणाने पीडितेपासून दूर राहण्याचा निर्णय घेतला. मात्र तरुणी त्याची साथ सोडण्यास तयार नव्हती. शेवटी पती पत्नीने ठरवून तरुणीची हत्या करण्याचा कट रचला. त्यांनी मिळून तरुणीची हत्या केली. तसेच तिच्या मृतदेहाची विल्हेवाट लावण्यासाठी दोघांनी तिचा मृतदेह सुटकेसमध्ये भरला आणि वापीमध्ये फेकला होता.
मयत तरुणीच्या बहिणीला तिच्या आणि तरुणाच्या प्रेमसंबंधाची माहिती होती. बऱ्याच दिवसांपासून बहिणीशी संपर्क न झाल्याने तिने पोलसांत धाव घेतली. तसेच दोन्ही पती पत्नी विरोधात तक्रार दाखल केली. पोलिसांनी या प्रकरणी तपास केला असता तरुणीचा मृतदेह सापडला. पोलिसांनी ३०२ कलम लावत नवरा बायकोला ताब्यात घेतलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.