Navi Mumbai: उरण ते खारकोपरदरम्यान लोकलसेवा स्थगित, प्रवाशांचे हाल, नेमकं कारण काय?

Summary -

• उरण–खारकोपरदरम्यान रेल्वे वाहतूक ठप्प

• पेट्रोल पाईपलाईन फुटल्याने लोकल सेवा स्थगित केली

• करंजाडे परिसरात पाईपलाईन फुटल्याची घटना सकाळी ११.४२ वाजता घडली

• सुरक्षिततेच्या कारणास्तव सर्व लोकल गाड्या थांबवण्यात आल्या

नवी मुंबईतील रेल्वे प्रवाशांसाठी महत्वाची बातमी आहे. उरण ते खारकोपरदरम्यान रेल्वे वाहतूक ठप्प झाली आहे. पेट्रोलची पाईपलाईन फुटल्यामुळे रेल्वेसेवा पूर्णपणे बंद करण्यात आली आहे. उरण मार्गावरील सर्व स्थानिकांवरील लोकल सेवा तात्पुरत्या बंद करण्यात आल्या आहेत. त्यामुळे प्रवाशांचे हाल होत आहे. या मार्गावरील सर्वच रेल्वे स्थानकांवर प्रवाशांनी गर्दी केली आहे.

रेल्वे प्रशासनाने दिलेल्या माहितीनुसार, करंजाडे ते उरण दरम्यानच्या रेल्वे मार्गावर पेट्रोलची पाईपलाईन फुटली. त्यामुळे रेल्वे वाहतूक तात्पुरती स्थगित करण्यात आली आहे. ही घटना आज सकाळी ११.४२ वाजता घडली. पेट्रोलची पाईपलाईन फुटल्यानंतर सुरक्षिततेच्या कारणास्तव रेल्वे वाहतूक तात्काळ बंद करण्यात आली.

घटनेची माहिती मिळाल्यानंतर रेल्वे कर्माचाऱ्यांनी घटनास्थळी धाव घेतली आहे. दुरूस्तीचे काम युद्धपातळीवर सुरू आहेत. पावणे बाराच्या सुमारास ही घटना घडली. तेव्हापासून रेल्वे वाहतूक ठप्प आहे. त्यामुळे या मार्गावरून प्रवास करणाऱ्या रेल्वे प्रवाशांचे हाल होत आहे. रेल्वे अधिकाऱ्याने सांगितले की, सुरक्षेच्या कारणास्तव खारकोपर ते उरण या मार्गावरील सर्व स्थानिक गाड्यांची सेवा पुढील सूचना मिळेपर्यंत थांबविण्यात आली आहे.