डिजेल पेट्रोल आणि गँस दरवाढीच्या विरोधात शिवसेनेच्या महिला आघाडीचे अनोखे आंदोलन...

खेड - डिझेल-पेट्रोल पाठोपाठ आता गॅसच्या दर वाढीमुळे सर्वसामान्यांचे कुटुंबांचे आर्थिक गणित कोलमडले आहे. या दरवाढीच्या विरोधात आज शिवसेनेच्या वतीने राजगुरुनगर येथे पुणे नाशिक महामार्गावर चुलीवर स्वयपाक करत महिलांनी दरवाढीच्या विरोधात आंदोलन केले.

हे देखील पहा -

बैलगाडीत बसुन शिवसेना महिला कार्यकर्ते पुणे नाशिक महामार्गावर पोहचल्या आणि डिजेल पेट्रोल गॅसची झालेली दरवाढ यामुळे ग्रामीण भागातील शेतकरी, गृहिणी त्रस्त झाल्यात तर घर खर्चाचे बजेट कोलमडत आहे. इंधन दरवाढीने शेतकरी आर्थिक अडचणीत सापडला आहे. या दरवाढीचा निषेध व्यक्त करत महिलांनी पारंपरिक पद्धतीने चूल पेटविली आहे.

यावेळी शिवसेना महिला अध्यक्ष विजया शिंदे यांच्या नेतृत्वाखाली आंदोलन करण्यात आले. यावेळी जिल्हा परिषद सदस्य तनुजा घनवट,ज्योती अरगरडे,उर्मिला सांडभोर,संगीता फापळ,नंदा कड,मिना नेहेरे सिमा बोंबले अर्चाना सांडभोर तालुकाध्यक्ष रामदास धनवटे,शिवाजी वर्पे उपस्थीत होते.

Edited By - Shivani Tichkule